去完日本三個星期 卻已急及待蟻咬般要享受一番
8月4號先和朋友仔去游般河 表弟飲醉酒 五分鐘表哥教識我游水
曬到燶左
星期六 & 日 公司又好生意, 過百萬大關同紀錄, 仝人開心 !
星期一 & 二 放縱去澳門嘆世界 !
經理介紹下, BOOK左新野 " 永利 Wynn Hotel" 住.
聽講好高質素
去到........ 果然 "嘩 ! 好靚 !"
十分渡假, 地中海 feel, 設施又齊, 員工有禮貌
第一天去過數間 casino, 無論 "朝偉星際", "發哥 CROWN" ...
都不願再花時間在外面 急急回永利賭場玩, 高級斯文好多
房間又大, 如果我屋企個厠所 (300尺) 有咁大就好啦 !
$1700 晚我覺得值得 ! 個 view 好靚, 好 wide !
酒店泳池超超超靚 !!!!!!!! 好似去左泰國渡假 !
我相信全澳門最高級的名店盡在永利, 與香港半島相若
好鬼心動
因為懶, 所以晚餐在酒店的 cafe 食 buffet
懶有懶著, 品種不多, 勝在樣樣掂 ! 尤其意大利菜 個部份!
來回食左意大利菜 幾 round !
我平時最憎食 buffet 甜品, 因為通常甜到死, 難食!
今次卻頂瓜瓜 ! 木槺布甸, chocolate brownie, dark chocolate.. 好少buffet 甜品飽仲要食
waiter 個個都好nice, 樂意介紹重點必食給客人
鐘意間酒店 鐘意到唔捨得走... 留到最後一分鐘才離開
點鐘意 ? 從今次輸錢離都咁開心就知幾滿意
返到屋企... 仲掛住酒店. 好想住多幾天 .....................
永利, 真系好掂, 必短期內翻炒 !!
5 comments:
星際buffet都OK嫁$188咋有movenpick雪糕食，我未食過Wynn貴幾多啊?
MONA,
咪講, 我勁憎星際, 一向LIKE朝偉, 一心抱住最大奇望, 點知仲衰過新蒲京! D員工又雞, 原本肚餓想食個TEA, 點知比D員由地下點上16樓, 由16樓點番去LOBBY, LOBBY 嗰個又想點番我去16樓, 我都忍唔住發左小火!
movenpick 幾好食都唔夠食成肚氣.
永利,,IS THE BEST,, $267 only 意大利菜喎! 境好, 地方好, 服務好, 食物好, 輸$都輸得順D!
我知ar...唔洗講都知永利係最Top,我老豆有份起兼長駐果度haha，之前佢都話永利無buffet食所以都唔知幾錢，淨係知金沙同星際有buffet食，都係上年聖誕嘅事，你係星際Reception位見唔見到果d好高嘅全部都係人妖。聽我老豆講永利二期都就complete下次去仲可以去埋威尼斯，你今次輸咗幾多ar我上次輸咗個chanel classic bag呵，買又唔捨得買無啦啦賭咗落诲不過又真係無以前係葡京同回力輸咁肉痛因為d環境真值番d.
MONA,
"我上次輸咗個chanel classic bag呵"
wah, 視錢財如糞土! 好豪!
我都都輸左對 CHOLE 鞋 者. 無你咁甘!
"環境真值番d."
系呀, 輸得幾HAPPY, 呢個就系個局!
係ar真係一個局...遊吓遊吓又幾千...好似去咗冒險樂園咁....番到屋企至知心痛
Post a Comment