慚愧......

2010年都5月啦，原來我已忘記我系有"日誌" 架 !

今日原本想清理一下 "我的最愛", 把一些很久沒開過的 link record delete 走,
誰知, 以為現時已沒有人寫blog了, 原來還有些朋友是堅持, 翻看朋友的一些blog後, 令我有點慚愧............. 好啦, 我盡量update 希望這blogger 可以 繼續 經營落去直至我兩個寶貝女 大個 識睇字 個陣啦 !!

2010年 4 月 30日 - 今日系 中國盛事 "2010 expo 上海中國" (世博) 開幕", 為其6個月既展覽, 歷史以來最大規模的 expo, 真系好想去睇下, 唉............. 我有兩個大細bb ,,, 希望可以實行啦.

2010年 4 月28 日 - 大女 余靜 19個月, 細女 余願 52 days, 我竟然 "三年抱兩" , 我以前廿幾歲時, 這句 "三年抱兩" 恭喜人就恭喜得多, 亦都唔太明白點解, (我以前覺得系無乜可能同好難既事, 不過見人結婚通常都系講呢d 架啦) , 估唔到今日.......... 我做得到 !



駄住細女大肚的時候, 你會估唔到我幾受到女性既尊重 同 敬佩 !

當我推住 bb 車 (余靜坐住) 時, 無論在街上, 店鋪內, 地鐵 內.......... 都受到非一般的目光, 試過好多次, 路人 媽媽甲 乙 丙 會走過來, 望著余靜和我個肚, 第一句說話就和我講 "你好叻呀........你真系好叻呀, 佩服你呀, 你唔辛苦架, 我湊一個都頭痛呀......... 等等等等, 我開頭都覺得無乜特别, 但聽得多, 我都覺得自己頭上真系好似有度 "光環" 咁神聖 !!



好啦, 到而家生了細女 余願 出來.......... 我都好明白佢地點解咁佩服我的勇氣.

呀................................ 兩個bb 真系好惡搞架, 一個喊, 另外嗰個又跟住喊, 試過兩個一齊"勁"喊, 工人又落左街, 真系無辦法唔抱, (因為個細喊到塊面由白轉紫, 個大又發左顛系咁夾住我要抱), 我真系兩隻, 一隻手抱一個呀, 仲要單手將個細b 抱起添 ! (媽媽系緊急關頭 可以變身做 superwomen 架 !) 我當時只系好想影番幅相, 但..... 超....................... ! 知發覺我邊有手影喎 !



呢種忙碌, 又幾唔同, 想像到她們好快可以一齊玩, 我都好開心, 余靜都幾錫呢個妹妹架 (比我想像中好啦) 一見到妹妹, 就會 好興奮, 又要錫 又要抱, 可愛極點 !



身為人母之後, 我的人生 有 x 2 的 延續...................
女兒系我生命既延續
我覺得好有意義
好似佢地既人生都系我生命的一部
我現在明白 "無私" & "無條件" 的愛

這一課 我還有漫長hours 要上