養 命 酒

完成第一堂 JAZZ 之後.. 要承認自己不是跳舞架子....
我完全明白巔巔所述....
乜真係咁鬼難既....

成堂都唔知係度做乜鬼, 可能我比較少接觸藝術界, 啲動作又作狀到庇 ~~
因為我係演藝上堂, 嘩..... 未上堂之前係走廊等入課室個陣.
個個唔係拉根, 就壓腿..... 仲唱女高音添..
我覺得好似拍戲咁.... 這就是藝術!

RUTH 見到我成堂係度狂笑.... 仲以為我玩得好開心添
其實係因為我見到自己跳到成隻蟹咁而笑咋..

不過, 朋友話跳多幾堂就會好ENJOY 喎.. 即管試下!

可惜.... 話時話.. 跳完舞之後.. 個人累左好多日...
我 : 打球又唔順超.... GORDON :都叻過我啦!

即刻買支 "養命酒" 補下.
亞媽話女人飲好喎.....

"養命酒乃係具有強身壯功能之藥酒, 對於食欱不振, 腸胃衰弱, 血液循環欠佳, 畏冷, 疲勞倦厭, 體質虛弱... 均有功效 ! "

全部都關我事.... 即管每兩小杯一試 !!

做個勇敢中國人

雖然好笑, 的而且確好佩服佢既勇敢 !

http://www.youtube.com/v/eBlkd8hznYg

Yes, Madam!

Hello？您在家嗎？

我好鐘意尖屎這篇分享........ "Hello？您在家嗎？ "

http://jamesentiment.blogspot.com/2006/09/hello_28.html

我都知自己屋企大概有D乜既....

但係, 都只是大概咯...哈哈.

我都要比心機收拾一下自己個屋企咯...

仲有, 尖屎, 我都有用開"覺知" 呢個牌子既燈架, 幾好用咯喎 !

Tea 一 Tea

化粧零售行業有樣好 每日除左Lunch time 之外, 仲有個 Tea break time.
以前我好怕飲咖啡 因為一飲好似飲左一杯 voka 咁.. 會醉架....~

近呢半年做左呢份工之後 每日無一杯咖啡嗒下真係唔舒服
即係話 我受壓既程度高左
都好既~

所以終於明白咖啡可以令到大腦放鬆既功效
relax~~



















如果可以同好朋友 tea 一 tea 簡直係賞心樂事
(真係要注明: 係同朋友才有這種feel. 同男朋友tea..!?!? 感覺幾怪, candle light 好啲!)

昨天在tea break 前五分鐘, 收到 霍小姐 John 嫂既電話.
原來她趕著來探望下我
及給我小禮物
(霍小姐是我中六明愛時的好友之一)
時間剛剛好 當然跟她一齊去 tea 下呢.
(我公司附近有很多有feel 的 cafe 餐廳... 尤其 Quarterdeck (FULL SEA VIEW)
雖然只有三十分鐘的 tea time
我們把大家的最新近況滔滔道出.....
因為你不是常常在港 我更加珍惜和你一起的時間
回想起................好像很多年未試過和你二人坐下

我們談到理想, 家庭.. 生兒育女...
哈.... 這次我們沒有提及扮靚化粧喎..... 反而更見得交心
你說你佩服我工作以外, 還可雀躍地去學打波同jazz (今晚第一堂 !)
你還從心而讚嘆我 "好叻" -----"可以想做乜就去做乜"....
(因為我讀書時期係超"烚", 霍小姐叫我做 "陳白痴")
你這樣讚嘆...................哈.... 我突然好似攞左奬咁... (聽到未呀..羅 e 零.!!)

我好喜歡與朋友tea 下...... 加上一杯香濃咖啡... 嘆... 享受....
未來發左達 一定開番間有 feel cafe 每天與友相聚..........

The Devil wear Prada

很有 rapport 的電影故事

身同感受.. 我相信如果你跟我一樣, 有一個devil 般的女上司

這是個惡夢. 每個白天都會發的惡夢

我知道要為自己負責及成功, 就必須"NO EXCUSE"

可是我"NO EXCUSE", 不等於我好被制服

如果你像梅麗史翠普, 我服!

尊重, 尊嚴 你懂嗎

我是不會屈服的.



我心裡的熱誠, 夢想, 老實說不知不覺地給 devil 惡魔磨掉了
真不值 !

幸在工作迷失時, 碰到一位很有理想的人
是近來鮮為少見的人
與他輕談過後 他的正面 以及充滿理想的眼神
頓然煥醒了我
把我差點失掉的夢想呼煥過來
有目標 自然精神
失去目標 生命也失趣

幸好.... 多謝您

人月兩團圓

今天終於心平氣靜坐下來寫BLOG 了
忙了很久 整個人都好像甩頭甩尾
不似人型 失去信心

幸運地 這個星期善良的月亮.....燃點了愛
中秋幸福地與整家人一起團聚, 一起到公園賞月

嘩... 廿幾年來.. 從來未做過的事.
以前覺得這個情節 只會在小學作文功課中... 幻想地出現!
今天我能擁有 很"溫馨", 見到爸媽滿足的笑容, 很感動...!

另外.....我愛到庇既朋友"茹茹" 與 "祖祖" 及 "悶悶"
我們的網絡好像在重建中..
好開心啊.... "茹茹" 我沒有後悔那天我主動在MSN撩你

正如我所說: 我有多愛都要盡快跟你們說, 只恐怕我明天不在這個世界
我一定好鍚我喜愛的人


而且很奇怪.......今年的中秋節特別倍添氣氛
很少地鐵公司會為中秋節延長服務

真是...................天造大家 ...人月兩團圓