December 10, 2007

入廚房篇 - 麵豉湯 Miso Soup

自從去完日本, 早晚飲麵豉湯當水之後

我亦愛上麵豉湯, 愛到要買即沖即食麵豉湯包回家隨時食
越食越覺貴, 通常 $35 得四包

之後問左日本朋友煮法後, 去左CITY SUPER 買了麵豉磚親手弄 !
原來好易咋, 材料又簡單, 又美味!
聽說, 麵豉湯 是養顏喎!
材料 (四人份量)
水 約900百亳升
沙丁魚乾 約80克
麵豉 三湯匙
軟豆腐 一磚
蔥 細切
烹調法
1. 預先把豆腐切成細小的小方粒.
2. 水以煎鍋煲滾, 再加入沙丁魚乾以中火煲約30-45鐘. 再將魚乾移走, 保留湯汁.
3. 調至慢火, 把麵豉慢慢地煮至溶於湯汁中.
4. 關掉爐火, 加入蔥花.
如果想更加有得食, 可好似我咁 skip 左 step 2, 會快好多.
而家日日有得飲, 加埋紫菜仲好味道!

4 comments:

Extraordinary Life 翠斯 said...

我唔記講, 呢盒miso都只系 $14, 可以整到十幾廿次,

好抵 !

月門 said...

我個人較喜歡燉湯
雅蘭中心6樓間阿詩瑪D湯唔錯而且野食都幾清淡, 岩女仔食
不過佢最近的食評唔知點解差咗 =.=|||

Mona said...

Miso Soup乜唔係即係味噌湯即係味精湯.......

Extraordinary Life 翠斯 said...

傻豬,,, 麵豉即系大豆,

營養架, 如果無益既話, D日本人日日飲咪死梗.?