August 22, 2008

第 35 週 (8個半月)

唉, 今年唔知系個天錫住我呀,,定我好彩 ... 今季既五次黑雨加打風,我撞正四次都是我的 day offfffffff ! 真無癮 ! 無拉拉無左四日假期,你知啦,我而家大肚冧dum,地下濕d都驚,所以打親風都好悶,悶到發顛! 尤其今日..我覺得仲悶,因為好焗,一滴風都無.連坐低睇電影都無心機,唯有落街去惠康買定餸for今晚咯,買完餸又唔知做乜. 都系開行冷氣又訓過啦! 訓醒又無胃口食飯,好啦!咁就拎起心肝 update 下好耐無掂既 blog 先. 尤其將之前 missing 左既野都 post 番先 !

一次過快講下我懷孕過程中發生過既事先 : 
3月xx日 影婚紗相

在未懷孕前 1月己安排是次婚紗照.
(我還記得當時叮囑婚紗照公司不要安排得太遲怕有bb不方便拍照. 點知bb 真系趕住咁黎左!)\
所以拍照當天是我懷孕二個半月. 真是辛苦得要命. 而且我們拍照地點是全外景.可是我每分每秒都想嘔想暈,我烏龍到連沙灘景都忘記放在行程 list 內.. 激死我呀 !
都去了很多個地方,不是他們指引,都不知道香港原來有d咁靚既地方.

最後,價錢仲非常合理添!唔似d其他公司臨時有好多好多額外加費. 

這間公司值得推介:法國巴黎 (台灣攝影公司) 地址在九龍紅磡都會國際商場.每個員工都十分體貼,個攝影師真系伏系地下同我地影架.

呢度系, 大埔海濱公園. 原來有咁多靚花喎,成個花海咁.

新娘潭.呢度要行山,扒山,去到最高,有個瀑布仔.好靚架,好在我著左波鞋.

西九龍海皮,呢度最辛苦,因為當天系成個冬天最凍既一日.

晚上八點幾啦,我都凍到頭痛,第二日都要請病假.

好辛苦.以為都唔恨著晚裝啦.一想起d腰封就想暈!


4月25日 註冊大日子

好多朋友仔都怪我無講過我註左冊呢件事
所以朋友仔都不好意思地問我, 出世紙會點等擔心.....
哈哈.. 給你們笑死了,其實我一直都無急過,都系余生吹我快d去註冊,
我一向都系唸無乜所謂,結婚唔重要等.

原來 到真系註冊,同埋大家擁有左隻介指之後.個感覺會親密同二合一咁.

無大請朋友觀禮,因為我又不是穿婚紗,我要求高又不想人多招呼不及來賓

所以都系自己最親既家人出席,唯獨有請我的好朋友winnie & manman 來,可是 winnie 返工趕唔切,manman 就帶埋 bb 女 彤彤 出場,其實我那天是極之感動,一見到弟弟妹妹,manman 時都真系想喊出來. (死忍!) 因為真呢d先叫真心.... 因為加埋十二個人,雖然人少,我已經覺得足夠了,非常明白原來一d生命重要時刻可以同自己最親既人分享,是如此寶貴.

結婚介指,不慣戴著.都是放在一旁.
連在人前 叫 "老公" 都不慣,要過左一兩個月先慣.

介指款色都是簡單的,我喜歡玫瑰金色.





7月23日 - 三十歲生日

今年生日當然非常特別.三十歲.有老公.有肚入面個bb

好充實.無咩三十歲恐懼症.


8月22日 - 九號風球 - 懷孕 35 week (8個月半)


預產期 : 9月23 日



心情開始緊張.bb物品預備得八八九九.

但未洗bb袗.未洗奶樽.走佬袋差少少就ok.



馱左咁多個月,呢個月開始感覺到辛苦..行一陣就累

都系無乜胃口.無乜大食過

在呢段期間,最享受系可以著靚靚大肚袗.

搵到d好靚既袗做大肚袗會好開心好有滿足感架!



而家個肚又大左..大家唔怕可以睇下張相.

呢張系我第一張影個肚皮咋.

我都有d後悔冇每個月影一張做留念.....


你地唔好驚呀,個肚池真系"duck"左出黎架 !



可能bb肥得滯,逼左個肚池出黎! 



暫時....未有肚紋呀
我好勤力呀, 每日茶兩次防肚紋膏架 !
試左好多牌,第時向我請教一下啦 !

23 comments:

Anonymous said...

我日日update你個blog,
今日終於有野update啦!

加油呀Tracy!!我都好期待呀!

Carrie said...

好開心見到你既update, 可以係度知道你D significant moments, 好感動,「鄧」你地高興呀!再次恭喜晒啦,余生余太!

結婚相好靚呀,我應該都會去大埔海濱公園影呀,我未婚夫以前係大埔人,佢特別想去0固度影,另外仲諗緊影唔影夜景。

我估我結婚當日會喊到傻左‧‧‧=P,D化妝真係十級防水都唔掂呀,哈哈!形式唔重要,最緊要有最親0既人可以一齊分享你地0既significant moment就足夠啦!(見到張相都好感動~~~)

你個幸福belly keep得好smooth好靚wor, 生產順利, 凡事小心呀!等待BB arrival既好消息!:D

Extraordinary Life 翠斯 said...

Kaiye,
bb好快會著住你地送既靚袗仔啦!

carrie,
咁你一定要去大埔公園啦, 真系好靚.

你咁易喊既話, 我相信你會由頭喊到尾咯....

我祝你快d追住我d step... 快d生bb.. heehe..

你影左相,一定share少少比我睇下喎.

多謝你常到這裡, 唯你的blog已搬到別處?

Anonymous said...

tracy...真係等到頸都長呀你個blog....不過好開心睇到你寫既野,好滿足又溫馨,興奮又緊張開心....好想快d到9月23號預產期既日子....一定要加油....(感動)

Ruth Tam said...

Thx for sharing. All the best.

Anonymous said...

Tracy,我好想而家攬住你影張相呀,BB可能真係好大件,你個肚好"突"呀.
加油呀,仲有一個月你就快見到BB啦,到時我就可以勁買BB衫啦,哈哈!

Anonymous said...

Tracy,我好想而家攬住你影張相呀,BB可能真係好大件,你個肚好"突"呀.
加油呀,仲有一個月你就快見到BB啦,到時我就可以勁買BB衫啦,哈哈!

Anonymous said...

嘩!真係好白、滑喎!勁....努力呀!

xiao zhu said...

嘩,仲有一個月,快喇快喇!

Anonymous said...

TraTra beautiful mama, can't wait to see your baby, must be a pretty doll!

Miss you much! ^3^

Extraordinary Life 翠斯 said...

好開心呀, 咁多人為我加油 !

老實講,,,,,,我都開始緊張架.....

Hyacinthus said...

余生余太恭喜晒 =)
十月懷胎,還差一點點,
唔駛緊張,bb跟他會同你一整齊俾心機的!

Anonymous said...

太令人感動了...
恭喜恭喜!

Extraordinary Life 翠斯 said...

Hyacinthus,

THX UR SUPPORT,

過路人,

好耐無見啦, 你太太有無咩TIPS 呀???? 點樣生得快D 呀....

MACY..... 救命呀..

Anonymous said...

好開心一次過聽到你幾幸福事宜....

最遺憾沒有看到你註冊一刻....

唯有寄望BB望月那餐啦....

祝你幸福快樂 X 1000000000000000000

程霜 said...

happy girl showing off her significant achievements...all in one....happy wife, mom-to-be.....

People said a woman is not a real woman if she has not gone through these phases in life.

Lucky you (and your hubby) that both of you have the opportunity to go through these happily....

Wish the Yu's happily together, united as one! :)

Mona said...

靚媽:

咁cute ar手持BearBear伴BB定你自己玩架?

Anonymous said...

到時聽助產士吩咐去做啦。你老公會陪你入產房嗎? 我諗有佢o係度都會好o的。

我太太生產過程大概十分鐘(我o係產房裡面等左個半鐘),之前痛左幾耐,就唔記得喇。

Anonymous said...

i cry a little when i read this update.

CONGRATS, glad the baby and mom are healthy. sure ur baby must be a beautiful girl, if lookin at her gorgeous mom says everything! hehe…

enjoy ur new page of life!! dun miss pregnancy… it seemed like forever sometimes, but in the end… nothing but a sweet bundle of joy & love. wishing Yu's family tons of happiness.

生產順利呀,脆絲媽媽!!

Anonymous said...

嘩!!!!!
好開心呀..
你生果時我一定要嚟睇BB架

macy said...

Tracy

嘩! 你真係幸福滿瀉, 第一張相好靚哦~~ 睇到人都甜晒.
thanks for sharing!
有你真好, 即刻覺得世界變得很美 ^^

做咩叫救命吖, 我係開刀架喎!!

其實你都就生, 每日步行吖, 食白蓮鬚煲雞旦, keep住個興奮心情迎接bb咯, 記住到時叫老公係側邊支持你咯.

係喎, 記住學習呼吸.

唔知你有無去上新手mama堂, 但我係度講講.

深深地用鼻吸一大口氣, 然後忍一忍唔好呼住(2秒), 跟住慢慢地用口呼氣, 好慢好慢咁喎. 重覆做, 呢個可以幫你係緊張時, 做呢個呼吸, 可以冷靜d, 等個人放鬆d; 另外, 陣痛的時候做, 也可以, 減輕痛楚架. 你一定得架!!

到時呢, 生完之後記住望清楚bb個樣, 因為佢呢個樣, 你呢一世都唔會忘記架.

同埋生完, 休息完, 記住如果可以落床, 唔好即刻跳落床吖, 要搵人扶住先, 因為你一下子小了十几lb, 又身子弱哦.

順利!
等睇bb相哦!!

Extraordinary Life 翠斯 said...

多謝你地既支持同留言.

你地傻豬黎架, 做乜個個眼濕濕.....

macy, 你呢個呼吸法, 我一定記住架 !!!! (忍住兩秒 !)

"有你真好, 即刻覺得世界變得很美 ^^" <-- 如果系既話, 我好開心架. 我亦活得很有意義... 啊

愛美 said...

大日子快到了!
記得通知Auntie Amy 探BB!