April 27, 2011

Mid-night Comfort foods

我係一個"湯王", 乜湯我都鐘意飲, 公仔麵個啲湯我都可以飲晒架!!!

湯都可以話係我地中國人既 Comfort food, 我阿媽基本上日日都有煲湯, 唔煲都會滾湯, 皆因佢老公即係我爸爸大爺每日餐飯都要有湯同有條魚先至叫一餐飯, 都幾煩架, 我阿媽到今時今日都發奴騷架!! 所以都養成我鐘意飲湯既習慣, 我一餐飯最少都要飲兩碗, 鐘意飲既話3-4碗都仲得 ! 所以而家我煲湯, 咁大煲, 我老公都係頂龍飲兩碗, 啲女唔幫襯! 其餘都係我飲晒!!


今日街開街市見到有湯包, 見到呢塊"龜板" 覺得好堅咁! 老板娘話 "土伏苓 龜板 赤小豆 湯呀, 去濕, 無暗蒼, 皮膚靚架!" 佢咁sell 法, $25 啫, 唔試唔得喎, 因為近來唔鐘意煲湯落肉 (因為煲完湯的肉通常都難食到死, 掉左又浪費心痛) 跟住又聽阿姐話, 買半個粉葛一齊煲. 日頭唔得閒煲湯, 我心急又想快啲有得令, 就算零晨1:00AM 我都要煲湯, 我最鐘意用呢個煲湯電煲 煲湯(唔系急口令呀!) 又唔洗睇火, 乾手淨腳. 我上網睇過 原來土伏苓 湯真係好掂架, 加埋龜板, 我唸有龜苓茶既效果, 等我睇下飲左後啲想谷既粒粒係咪會收左先!!!

2nd Comfort food -- 在等煲湯的時, 飲番杯 加左 自己打既 sweet cream 落去杯 咖啡 度,

嘩! 多cream 個隻咖啡係咪叫 latte 呀? 加左之後, 係勁好飲, 好似$35一杯個啲 味道, 完全唔相信呢杯原本之不過係 $1 包既即溶咖啡 之噃! (下次邊個去開我屋企, 我整比你地試下!)

即刻同老公講, 好有衝動去學 沖咖啡呀! (真係想喎! 太多野想做, 睇下有無時間安排到先)


完成啦, 現在是3:30am , 我都忍唔住要飲番碗先訓覺!


4:20am go to bed. Good nite



April 26, 2011

Treasure @ H & M










患有 "善變" 及 "選擇恐惧症" 的翠斯 來說,在那些大連鎖店購物是一大好事。我的心頭好,H&M, Zara & Monki, 他們的出品又trendy 價錢又合理,最好就是,在心大心細己及目見一條長龍在等待試衫的時候,好多時我都買左先算,回到家不喜歡/後悔時,我可以在一個月內想清想楚,再拿著發票一拼退回 REFUND ! 是的... 是refund 啊, 明明寫得很清楚, 但是週邊的人太多數都不知道可全數退錢這回事.... 就算知道, 他們總是說不好意思去退,好像我好有問題喎! 你知道嗎,我已經退到無感覺,還有點開心,因為我清醒過來不需要這買錯的東西,亦不會阻住我個家!尤其,那些大型商場的消費泊車優惠,這方法必用不可!購滿$200可免兩小時等,我們必在以上的店9秒9買完去取當天泊車優惠,然後一個月內在任何一間退回便可! 多方便, 這就要看你有沒有定力,因為有朋友原本是為了這目的才購物,回到家後全都接收,變相,消費左。  


我算起來都可以算到條數好細,例如BB尿片,我是per pcs 單位去衡量抵唔抵著. BB濕紙巾都是, 我最近發現 waston's baby tissue wipes 應該是又有厚度又抵用既濕紙巾,價錢太約$14.9 (80pcs) = 0.18 一張, 如有wastons 咭好似仲有95折. 我是這樣計數的,連白米,生油都咁樣計,所以通常8斤同10斤米的 per 斤 都系差唔多一樣價錢咁滯, 所以無必要買10斤咁多放在家.


講回H&M 尋寶,這三幅 Sunnies 我真的喜歡到不得了! hello kitty ($49) 是余靜的,其他兩副 ($69)是我的,我平時都不敢買平價 sunnies,因為怕擋不到UV而傷到眼晴,我見它的吊牌巾UV400的字眼,而我又恐嚇了幾個售貨員問如果不能防UV會傷到小朋友眼晴啊!!他們都頗有信心說"可以的,放心用"... 我就買下了! 今次無後悔,因為退款不適用於accessories ! 回到家,他們兩位小朋友很喜歡很開心,余靜還擺了幾個POSE 給我拍照.. 超cool , 笑死! 她們太可愛了 !!

April 24, 2011

DIY Studded on my old bag !







玩一玩 創作 之後, 心情都舒暢番晒!

完成後極之開心,很有滿足感!

今次DIY 是一個"死心不息" 及 "唔"奮"氣" 既動作, 因為之前在 Pedder House 的 大減價中 見到一個 好鐘意 的Alexander Wang 袋, 原本要9千, 大減價左都要4千, 就正是個黑色牛皮手袋cool cool 之中又有一排鍋釘在肩帶上.... 好鬼有性格, 好特別, 因為當時同款只有最一個在場, 當我拿著時已有幾個人問我這 個袋... 當時我當然死拿著 不放!! 那刻和我同行的 中學同學 "shopping 精 桐桐媽" 一起, 她叫我不要買, 她說 "只是幾個鍋釘而且者!!! " (最好笑, 竟然是一個 shopping 精 不停叫我不要賣!! 平時我叫她不要買野多, 通常她都不理會我!! 反今次給她說服好, 哈哈!!) 我相信, 在我身邊等我放下這個袋的顧客, 都估不到我拿了個幾鐘後才放下, 我當時把它收到很埋的地方, 不要給人見到, 靚袋真是靚袋, 轉頭已給有心人放在手中了!! 我還見她很高興地打電話給朋友說找到寶!! 當時心裡都酸了一酸...........


所以我心裡記著這鍋釘, 因為我當時只是喜歡那十幾粒鍋釘, 我覺得沒理由為了十幾粒鍋釘付出4千蚊!! 我相信我可以找到這些零件 給我 DIY !!! 上星期到深水埗買玩具給囡囡時, 老公提醒我要找鍋釘, 我都忘了, 是他常常記著我的無聊事 ! 雖然找不到一模一樣的鍋釘款, 但我點都要買些回去 玩下! 回到家想開始的時候, 才知道很難下手....... 因為要打洞才能放釘, 想了很久決定用這個近期跟我貼身出入的戰袋!!! 好好玩呀! 我想我會找幾對鞋釘埋釘!!


挑到我的DIY 癮起, 立即湧起衣櫃裡可修改的衣服等等..... 第二天已找了一條牛仔衭好爽也地 CUT 成短牛 ! 由舊變新, 同做人一樣, 不能獨沽一味, 無變通, 自己想下辦法(DIY), 又有一條新血路!!!


我打算把剪下來餘下的牛仔布做點東西給 小朋友 先! 完成後再POST給大家看!!!




April 23, 2011

Mid-night Coffe



為什麼深夜2:57 已經聽到雀仔在唱早晨歌? 因為夏天嗎? 以前都沒發覺的啊!


深夜2:57 還有心癮要去喝一杯咖啡,可想知我的壓力有多大。


如果不喝,心又癢癢的。 喝了,又不知會多久才睡。


究竟,我想睡 還是 不想睡。


覺得很好味道。心情舒暢點了。想再來杯Mr.Brown 的即沖奶茶添啊 ! 



April 20, 2011

1978年7月23日 的 孫燕姿 與 翠斯



孫燕姿 世說心語

每一天 鏡子前 我看見 同一個臉
卻聽見 在耳邊 呼吸聲 好遙遠
我想笑 我想愛 想奔跑 想擁抱

我是怎麼了 像被困住了 時間滿滿的心卻空空的
有那麼一天 時間停止了
才發現原來心自由才能
真的快樂 單純快樂

每一夜 月陰缺 我學會 不完美的美
心跳聲 在周圍 催促我 有夢去追
我又起飛了 我是自由的 隨風旋轉著開心唱著歌 有那麼一天
時間停止了 才發現心自由才能快樂

這種感動我記得 像出發的那一刻 哪一段才是永久
太多美麗的語言 不比心語的純潔 勇敢奔向新世界
我又起飛了 我是自由的 隨風旋轉著開心唱著歌
在那麼一天 時間停住了
我會知道我心是自由的

昨天感冒初起 吃了藥後沒精力打字了
我有太多想在這裡要說的未說
心非常焦急 好像欠功課似的內疚
今晚提起精神 趕起這篇我最想分享的歌及孫燕姿

我經常沾孫燕姿的光,因為我們都是同年同月同日出生
而我覺得我們卻有著不一著的生命 及 性格

她為了追求自由,找回自己,已經閉關了好幾年才今年重新出發
看到這詞充滿著很多個"自由" "追" "開心" 等, 都是我最喜歡最敏感的形容詞

她性格應該是內向的(Internal)
我的性格是 非常 外向的 (External)
內外的人 通常有氣質的 (因為少說話)
我的 通常給人感覺都是膚淺的 (因為太多說話!)
所以我都要裝一下少說話添一下氣質好呢

我不知道她的想法
而我卻知道我們都愛 "新的我"
我任何時候都可以 "重新出發"
我太怕悶了 太怕死局了
我們太愛自由了

"重新出發" DIY 一個新的 "自己" 的方法

方法一)泡個熱泡泡浴 又是一個新的我
方法二)我看厭自己 跑去漂一頭金髮 又是新的一個我
方法三)我覺得時間太多 覺得一生為了自己太自私 於是誕下兩個可愛的小魚兒 用盡無私的愛
方法四)去個大便便 放下今天 又站起來活過
方法五)深一個深(very deep in tummy) 的深呼吸, 腦袋充了新的氧氣, 爽晒。什麼胡思亂想都醒過來了!!
方法六)施比受更快樂!本人實驗證明,幫人可以忘我,用第三身看這世界,你會覺得什麼是幸福
方法..........) 換個最新款手袋,電話,轉wall paper, 轉鈴聲, 突然化下粧.....等等 (我最常用!!)

等等...方法都可以使你"重新出發",只要你"想"便可以!

如果你都覺得自己在困局,悶局中,都想個好籍口 擦新一下自己啦!

April 18, 2011

Sunday kids breakfast

2 in 1 Baby Stroller ,

每逢這樣坐法, 所有途人都會望著他們大叫"咁都得喎!

哈哈! "系咪孖女黎架"

<-- 我都唔知點解明知一大一細, 都會問系咪孖架 !?!?!?

They read the menu to order their set breakfast ! Little one started to clean her bowl before eating ! good habit ! 基本上我個早餐比佢地兩個分晒黎食 ! 余靜霸住杯凍可立 唔比我飲......=_=~~

April 17, 2011

每個人都要有支救命 toner !


我好愛 爽膚水 toner 架!

我覺得爽膚水 在 各護膚品中 是最溫和 兼 "最實用" 的一個項目!


差不多每試一個護膚牌子時, 我都必首先試她們的 Toner, 其實 絶大部份 Toner 都有最基本既補濕功效, 而大部份人都只作 "爽膚" 作用, 拍拍更算 !! 唔好浪費, 仲可以咁用架!


以我多年 這 慳家用家, 倒給我找到其 Toner 還有更多用法 :

method 1:

一般用法, 洗臉後用手拍/ 用棉花拍上 toner , 然後塗上"那期"最愛的 cream (<-為什麼"那期" !??! 因為我們做女人的, 通常用不完一瓶面霜, 已經急不及待轉了第二瓶新產品用了! )


method 2: (用作清洁洗臉法)

如果你和我一樣都是底層缺水的皮膚

(其本上大部人都是這個問題!!! , 無論你真 DRY 定 combination to oil skin 個隻 dry, 都是因為皮膚底層缺水更加要"張開你啲毛孔" 再 "排啲油脂" 出來 保護 我們的皮膚咋!! 我們身體是很聰明的, 可是毛孔她們不知道幫了我們後, 越幫越大獲 !! 毛孔咁就粗大左!!!!! 都唔知嬲唔嬲你地好!)


以前做美容顧問時, 都是教一些客人這樣做, 她們都有回來讚膚質有改善.

用法好簡單, 市面上可以起泡的洗面膏其實當中有起泡劑, 起得好勁的那些, 你們有否覺得每次洗完臉後如果不立刻塗 cream, 塊面都會 "猛猛緊" 呢!? 好簡單, 如果你肯! 明天試試一早起身面油油時不要用洗面膏, 就是把你沿用的 "Toner" 沾在 潔膚棉 上, 然後就直接用這"Toner 潔膚棉" 跟著你面的紋理去抹下抹下, 眼面頸耳後等... 通通抹完後, 你會見到那棉花上抹走了很多dirt & oil ! 然後再摸一摸你的俏臉, 嘩!! 你應該感覺到 "清爽, 濕潤, 水彈彈" 架噃!!!

當時因為我皮膚敏感才試下這個方法, 如是者一個星期之後, 皮膚敏感消除了, 還少了暗粒添! 所以我都好建議大家可以試玩幾日, 睇下有咩唔到同啦 !


method 3: 當急救 MASK 用

同上面method 2 差唔多, 我比較 lazy, 一回家 潔面後, 都會拍沾濕 Toner 的 棉花 膊在 "兩額" 及 多種我覺得乾 OR 覺得有少少不尋當反應既部份 (不尋常=即指你 feel 到佢好似想爆倉/有啲痕 想敏感既地方).......... 用toner 膊面的好處是 可以 無限次 無時限, 膊幾耐都得, 不要用到棉花乾透就好了, 在還有少少濕濕地時掉 或 再加濕繼續 ! 因為我一向都用開 Rose Toner , 我記得余靜四個月塊出晒 粒粒時, 我都忍唔住同佢膊呢個 急救mask 架. (我傻架!! 你地千祈唔好學我呀!)


總之 Toner 對我來說 重要過 洗面膏啦!! 哈哈! 你們用過 SKII 的神仙水 嗎? 我都好喜愛架 (真好用既! BUT 貴咯) ! 最好笑, 神仙水的氣味 很像 臭腳味........ 我每次講開它都會連同這個爛GAG 一起說!! 如你未用過 , 又不相信的話,, 明天放假去 SKII counter 聞下吧!!! hahahahha


今天分享到止!

April 16, 2011

兒童餐



又要搞搞新口味去吸引余靜 家姐 在返下午班 前 好好地食飽飽 才上學去!


今天想到很久沒弄的 "白汁芝土長通粉" , 剛好家裡有 Cream , 又有 Mozzaarella & Chedder cheese.. 可以快速地弄這個給余靜, 一上"碗" , 她已經歡天喜地, 又說 : "媽咪, 好香呀! 媽咪你聞下, 好香呀!! " 一口之後 更要加多句 " 媽咪, 好甜呀!" <-- "好甜!??! " 對!! 她對食物的形容詞都會曬晒冷!!! 一係就 "好辣 好熱 之類, " 總之 positive 她通常都會 說 "好甜呀" 真的笑死你!!


當你望著這由初生小嬰兒, 至牙牙學語, 到今日可以好清楚好明白 地和你交談......... 我常常都覺得 "不可思議" "難以置信" ! 天地萬物很奇妙...... 讓我們能夠享受這不能形容的滿足, 及偉大!


分享這做法給大家, 今天因為太趕, 其實可以加進更多有營養的材料, 如下:


白汁芝土 西蘭花 煙肉 長通粉


1) 先將長通粉用熱水煮 8-10mins (可加鹽一起煮 / 或在做汁時才下一點點鹽調味)

2) 又將西蘭花 煮熟 後, 用叉把它壓至 蓉 (混入 白汁中 d 顏色會好靚架!!)

3) 把切粒的煙肉 輕輕炒一炒 備用

4) 把適量的 Whipping Cream & 你的喜歡的芝士 放在碗內 (如你煮麵時沒有下鹽, 你可在這裡下鹽調味)

5) 煮好的長通粉隔水 留在鍋中, 把4)的cream cheese 倒入鍋內煮至杰身

6) 熄火後, 把已準備好的 西蘭花 及 煙肉 mix well together !!!


咁就完成...! 好鬼香架..... 唔想咁"留" 就唔洗落太多cream 啦 .. 小朋友一定鐘意!!!

April 14, 2011

"extraordinary life " 非凡生活

今天替我的博客裝修了一下..... 感覺煥然一新! 尤其那個 backgroud 的 小雨點....... 好鬼浪漫啊! 雖然我沒有加BLOG SONG, 可是腦內好像已經起了浪漫的音樂. 都要裝修, 不如都把博客招牌大名都擦新一下吧!


想了想了, 看到最近世界發生的事, 好像都在提醒我們好好 "珍惜" 啊! 我覺得都是最實際地 "學下點樣有效地用埋我今日還擁有的時間! 怎樣過得特別, 最起碼要對得起自己呢!! " 所以 簡簡單單 地叫 "extraordinary life " 非凡生活 " 好吧!!


學習點樣做個好媽媽, 學習點樣做個更加好既老婆, 學習點樣充份地運用時間 (我只會填到個時間表密麻麻, 就算得一個鐘 free 我都要同D 女玩好多game, 就算系街度都要打晒幾間美容院睇下邊度有得即時做facial ! ) 夜晚又唔捨得訓........! 又不停學東學西, 連 online 學整網頁都報埋.... 其實是不能夠接受自己停下來 ! ! 又不能夠接受自己普普通通過日晨, 要 "Extraordinary Life " 呀 嗎!


今天回家時, 我在那短短的 藍田地鐵至回家路程 (因不明白是需要四條超長扶手電梯才能到地面!!!, 住了3年都十分有衝動向地鐵投訴為什麼沒有升降機啊!!! <---藍田友有無同感啊??!!!) , 我都要買杯 M記 朱古力醬雪糕新地 把它填滿..... 今天工作人員把雪糕弄得很美, 忘了拍照... 暖暖地的朱古力醬+加香噴噴花生............ 已經令回家的小路程變得很甜美幸福! 我其實已經食左2天, 現在想起都想再食呀!!! 真是跑1000米都唔掂!! 明天希望忘記了它吧!



送上"我全世界最靚仔既齊舅父"生前影既相. 佢既一生都真係幾充實, 我唔知點解都覺得你仲係我地身邊, 仍然覺得同你好近, 唔知你現在在天家裡又迷上什麼新興趣呢 !? 好想打電話比你吹水呀, 睇番你影既相, 好掛住你非常搞笑既性格 !!
樹葉出世 既生命力 Good Night !

April 13, 2011

低碳生活!





現在不流行做 "環保" , 而是更高層次 "低碳生活" (Low-carbon Life, 就是減少二氧化碳的排放, 低能量, 低消耗, 低開支) !

上星期經過佐敦 "裕華百華" 時, 原本一如以住不會被他的 "用透明魚絲 吊住D 老士男人 裇衫呀, 花呢花碌既 床單 呀" 等 讓我 停下來看這window 一眼, 可是當天 passed 左的時候, 我以為我看錯! 竟然咁潮的 "低 碳 生 活" 題材 "都令裕華 既 marketing 都推行! 我真是給這 window display 吸引住了, 我一來走回頭 站著 細心細看 他們 display 的 商品, 當時是沒有人好像我一樣停下來看呀!!.........直至我用手機拍照, 就有幾個人都看下這個究竟有什麼好拍! (人就系咁羊群, 咁八掛!! 不過我都系咁既! HEHE)


其實最令我 感動 既 就系 個部 "廚餘處理器" !! 呢排先知, 原來會有人收 餐廳 廚餘 去處理 跟住去做 飼料, 我當時想, 如果肯收埋我地D 屋村各家每日既廚餘就好啦, 咁真系會少好多廢物啦! 咁梗糸無啦, 我真系估唔到屋企都可以自己 處理廚餘, 可惜我都無花無田要耕種, 處理完放系邊喎!! 我覺得D 家有花園既 朋友, 你地真系要買番部 自給自足 好喎... 同埋如果佢既display 有埋英文會仲好, 因為佐敦都算多遊客呀, 佢地D 屋咁大, 同埋幾日先有人收垃圾, 又有花園, 佢地一定鐘意!!! 都系希望為地球, (.........其實大家都唔好講到咁偉大話為地球, 人係自私既動物 ! 不如掉轉來 sell 環保 低碳 話係 為我地人類自我滅亡 推後多幾年幾天. 個個都怕死架啦, 如果唔系點會香港人搶鹽, 韓國人搶 紫菜先得架..!!!! 相信這個效果可能會比較 work !!!


GREEN peace , 你地都要轉下個 selling point la ! (我本身都參加左 綠色和平 每月捐款者 做了好幾年了! 他們真的推動 及 喚醒 了 很多 環保行動, 下次在街上見到他們的 籌務人員, 請你們都自願上前 了解 他們綠色和平的工作, 作每月少少的捐款 (真的一百幾十都可以, 無人逼你架!!!) 都總算為自己後代再出一分力呀 !!


願 - 地球健健康康 . 我們千千代代.

April 11, 2011

法式爆花 ! 繼續爆爆爆...


呢幾日都系咁玩呢支 OPI 爆花甲油。。。今日試下 "法式" 咁揉! OK喎! 我好鐘意呀, 我覺得佢爆完個花好似豹紋, 好正....... 我有個朋友話佢次次爆親都系正方形花 (因為甲型不同, OR 底甲油厚薄不一都會有唔同效果架,,) 都想見下正方形系點, 幾應該幾靚.. 又唔洗畫就有花, 好慳時間! 即刻替我呢對 C9 手 添上 潮氣! 呢幾日望住對手都心情好D. 連余靚都話 "媽咪指甲好靚呀! " 邊個試左好POST出來分享下喎..... 想睇下其他人 會 "爆" 成點 !!!

Nail

April 7, 2011

女人LOOK !


自從咁短頭髮之後, 都好少 出現 "女人LOOK" 啦! 因為我這短髮實在太中性了, 就算我想著件有少少花既衫都九唔撘八咁.......... 如果著埋裙, 仲有啲想作嘔添呀!!! 我都有唸過唔知D Lesibian 會唔會睇中我呢. 如果我係TB 我都幾型架........

我都想變長髮........... 奈何, 流長髮的過渡期實在太核突, 太難過了... 通常長到耳仔, 我已經忍唔住 要剪左佢!! ............ 我知短髮 襯 BLUE BLACK 系最好睇, 唉... 怕悶既我, 連黑頭髮都悶 ! 所以決定轉色! 今之無後悔這次漂染, 很好, 我都很喜歡, 煥然一新既我! 有一位人兄一聽到我話悶, 佢就知我又係要挑戰啲乜野去成就下自己啦..... 算佢都原來都有少少了解我呀!


漂了的短髮好像又沒有那麼豪氣....... 加上我又在 IT outlet (at 皇室堡) 給我找到這對超既 ankle boot ! 我愛到死了, 冬天正價要$1XXX , 我又唔捨得買, 估唔到系outlet 可以賣 $360 ! wah ... 開心到飛起, 呢個鞋款超靚, 同 Alexander Wang 真系好似, D 皮 鞋型又好靚, 仲要系膠底 (因為我好驚會SIN 襯架, 膠底可以馬實個地下, 仆襯機會減少!!) 咁就趁住 星期日去飲個日 可以 試下呢個 女人LOOK! 其實都唔系好慣架,,, 都有少少周身唔自在... 梗系波鞋, MBT 最舒服啦!!!
對鞋買左好有勝利既感覺!!! 真系不禁要 分享一下, 無聊親大家就唔好意思啦!!! :P

April 6, 2011

翠斯 Nail Art 指甲狂熱 又黎啦!!



有半年以上沒有揉過指甲了, 因為我手指一向很乾, 我更會不自覺把自己的手指邊抓到損晒! 最慘係, 連我個2歲半女, 余靜都不自覺地學埋呢樣野, 佢又係會唔覺唔覺咁用食指抓隻大拇指, 都和一樣損晒...!! 心痛死我, 所以我都有唸過做番GEL 甲等自己唔會抓傷番... 但又不想每月多出幾百元做GEL 甲消費@!!


竟然今日在 TST 給我碰上了這支 OPI 的 新產品 "Shatter", 太喜歡了! 爆烈 甲油 ! 正到不得了, 一見到個SAMPLE 立即買下來了 , 盛惠$120 (可以有花玩, 一揉就可, 自然爆花, 都不太貴呢!!) 可以 替我那十隻醜怪 (真的干到爆烈紅紅腫腫的手指 !) 著番件靚衫啦!!


好好玩架, 以下是 STEEP :


1) 當然為了護甲, 最好先揉一層 base coat 先, 跟住就揉你喜歡的底色 (因為爆烈後會呈現這個底色來, 其實黑色系勁百搭, 基本揉什麼色都好看!!)

2) 等底色干了後, 你可揉上這黑色shatter 了, 這個shatter 頗干的, 所以要很快的揉上, 最好一次過, 不要立即返揉, 如不滿它爆烈的花紋, 可以待干後再後加又待爆過.... 最好玩的是你可以看著它爆花的情況, 每次花紋都不同, 意想不到啊!!! 另外一好處就是因為上面已紀很爆, 其實你底色都隨意揉一揉便可, 不用講究揉! 啱晒我地D 忙到死既媽咪們!! 你知, 我地都是在 小鬼們 睡覺後 才能開始這些 膊面膜, 揉甲油, 上網 等等既私人既工作架啦!!!! 所以為什麼有半年沒有揉過甲油呀................

3) 如果你喜歡而家流行既 啞色 , 咁就完成啦! 如果你好似我咁都係鐘意指甲 glossy D 咁就加番 層 top coat 就得啦! 真系好似比人畫左花咁架!!! 你睇下張相....


而OPI 後面那支 "Sparitual " 都是我的好推介... 下次再晒冷介紹比大家 !!!


就算我而家寫BLOG 時間都是在 深夜3點.......... 因為今天真的很想寫回BLOG ......


而.............其實又有無人睇呢? ? 寫唔寫好呀? 你地會唔會 subscribe 架?