December 26, 2008

Welcome to "Yu Ching BB Magic Kingdom Park"



To All Dearest,

Welcome to Yu Ching BB Magic Kingdom Park !!

Happy New Year 2009 !!!!!!!!!

Best wishes,

Yu ching BB & Tracy mama

December 19, 2008

為靜b做全職媽媽 ~~~

一來為了 靜b 成長發展
二來想全心全意做好媽媽呢個角色

十一月中放完產假後 心思熟慮了很久
利與弊都一一想過
做一位全職媽媽
都好像是利處多的是

唯一最難過的一關是心理關口
我就出來社會工作以來就未有停下來沒工作
沒試有一個月的戶口沒有收入
感覺好像差點安全感

繼續想想想
做全職媽媽的弊處都是沒有收入
沒有事業 會斷送了我的前途嗎 ?

但一看見靜靜的娃娃臉 米芝蓮腳腳
哎喲 唔買袗就唔買啦
唔買袋啦 唔買鞋啦

就鼓起勇氣回電公司辭職去了

到今天 靜靜到12月28日就三個月了
靜靜喜愛跟人說話 有時還哝喲個不停
真的好像跟你說話
靜靜現在也常常笑起來 很窩心呢
現在知道靜靜什麼哭聲是肚子餓 什麼是想睡 什麼是想跟人玩
我和寶寶的心靈相通 令我極有滿足感
怎能錯過她寶貴的童年呢

我昨天跟朋友說 : "我覺得原來當媽媽才是我的 career !"

當我發覺時我也很 shocking ! 我是從來沒想過的喲 !

當媽媽是一種福氣
到現在我沒有後悔放棄我的事業呵 !

November 26, 2008

余靜 - 四十幾 至 五十幾 天 的生活




最鐘意影close up, close up 可以肥啫啫好肉緊...........


影左好耐先影到張似我細個既相........ 大家可以對比一下之前兩遍有post到我既小時候相.

我好鐘意呢張相, 十分溫馨....... 好媽媽呀

October 25, 2008

寶寶日照 - 第二十八天

昨天, 試坐車車, 為滿月方便媽媽出街作準備.. ..
因為未滿月都系抱著b 出街, 好重架, 仲重過兩個 chole 呀.....
i trained to be supermama la !!


take sun bath next to window...... so 爽 !!!
好鐘意呢條衭仔呀, 好 fit 身呀
都系 婆婆 識野 !! thx 婆婆...

套 classic pooh 床上用品靚呢....... 系 winnie ee 送架, 多謝 ee !!



媽媽日記 - 第二十八天

今天才是 bb 出世 28 天咋.......
感覺好像很久
就是這樣, 我把她當成大 bb
前天錯給她喝奶份量
媽媽總是這樣 永遠都擔心子女吃不飽
我就是她給吃滯了

寶寶 共嘔了三次 好像噴泉般吐出來
把我嚇破了
不知所措
抱著不安的寶寶 我不受控制地跟她一起哭
哭了一個早上
爸爸也給我嚇倒
爸爸到現在還是疼我比寶寶多
他很心痛 可是到這個時候 他必定是非常很懂哄我
在我哭過不停時
爸爸說 : 你知道盧冠庭有首歌, 我唱比你聽呀 ! "陪著你嘔.... 一生一世也不分~~~"

我好幸福有這個窩心的老公

最實的就是向專業人仕求助
致電哺乳熱線 問過清楚 問的過程還是哭著..........
知道原因後 放心了很多 嘔奶都是寶寶常見的問題
雖然是常見 見到的一刻誰都會擔心

有幾位朋友都說我太緊張 給自己太大壓力了
我家有個傭人 我到現在都是自己親力親為
沒有給傭人抱過寶寶的
一來是 jealous 二來是我想我是百份百看守著寶寶的

所以我手腕都抱b 抱到 酸 而無力了
當然還頂得上
個個當了媽媽 都會擁有 超能力 變得力大無窮

有時候真的會給自已點壓力
我卻覺得是一種責任
每天看著寶寶一天一天長大 是我的責任
連寶寶 每條尿片都是我負任更換
因要從便便觀察bb 的健康狀況 啊 !!!

今天我發覺靜 b 肥左同重左........
時間真的會過得很快
我好不捨得 寶寶 變大
我要好好珍惜每天跟寶寶的時間

昨天寶寶已回覆生猛狀態...........
因為寶寶不舒服的一天
她已沒有玩我玩耍 平時她必會眼碌碌地望著我說話傾計
見她和平時一樣 我開心到 "乜都值晒啦"
真是 好滿足 ............. !!

i love my family.........

October 6, 2008

公公婆婆舅父ee 表哥 -- 探 余靜 b 呀 !

第八日 的 人仔

我最喜歡把寶貝放在心上......... 超冧架 ...... 全家都好開心, 個個爭住抱 b, 爭住影相 ! 好溫馨 ........

湊 b 週記

湊左 b 差唔多一個星期啦 !

我做左媽媽8日啦 !
感覺由起初不習慣, bb 喊 我又一齊喊, 又唔知 bb 點解喊, 晚上又無得訓, bb不停喊, 我又幫唔到bb, 覺得自己好無用......... 情緒不穩 .... 問自己 "是否每天都是這樣啊 !?"

我第二天和自已講 :"我無理由湊唔掂既, 我要刻服, 做個好媽媽 !"

到今天第 8天, 我開始習慣了, 雖然每天都是訓散鐘 .... 卻精神無比
與 bb 慢慢 合作得來, 開始明白 bb, bb 比較 醒訓, 我辛苦少少, 成日都要人抱
我已經 train 到 一雙 armstrong 了
我已經可以好有信心和 bb 沖涼了
我己經想到辦法令bb 好有安全感訓在她的 bb 床了
我已經成功喂全母乳了

最重要, 喂母乳過程會好 close 好冧....
令我做媽媽都會滿足d ................. 因為只有我先可以對我 bb做得到
我亦對 bb 很自私
我不喜歡讓我傭人碰我的寶貝 .............. 因為我會吃醋啊 !

我見少寶貝一會兒都不可
個心會掛到想喊..................

我已經愛余靜愛到不得了 !

現在......... 每分每秒看著 寶貝 都足夠 !

就算產後的大肚腩都忘記了

寶貝最重要

October 3, 2008

yu ching 余靜 - 小人仔 pics

3rd day bb - 出院返屋咯....

成個朱仔包咁... 咬一啖先
4th day - 表哥 gordon visit.. he like 表妹 so much, always kiss her and sitting infront her even eating !! haha


(this Tracy's 1st month pic, do u think we look like??) HEE... my mother said so...

September 30, 2008

多謝關心. 生左啦, 28/9 10:15am

多謝關心. 生左啦, 28/9 10:15am
小女名 余靜 重 7.9lb

今日帶 bb 返左屋企啦

我明白blog 嗰句 " 嘿嘿,由而家開始,慢慢歎喇。"

一返屋要不離手咁抱左四個鐘先甩到身. 做媽媽真系唔易架.

呢獲真系甘啦 !

不過攬住 bb 女 真系好開心好滿足架..

等我 掌握到 bb 女 啲先 得閒 post 相呀..

大家忍下啦 !!

我好攰呀. 要抖下氣先 ............................

September 27, 2008

book 左 3/10 入院催生

醫生check左, 時機尚未成熟,
book 左 3/10 入院催生
總之今次有早無遲, 有消息再通知大家.

September 20, 2008

又再倒數.......

多謝 macy tips !
23號生日好呀, 你囝囝系咪比較好奇, 每事問架, 佢應該好有 adventure 心態喎. 好架!

你那一句 "心連心" 好窩心.. 好溫曖呀. 令我由惊變得甜美得多.

我今日去了覆診, 醫生話bb應該23打後出世, 話我可以睇埋 "家好" 先喎! bb 仲一定過7lb.. 添....

另外, 我有一位戰友 carol (misha 的朋友) 的預產期 是比我早一天 22號的, 我們這幾天每天都會facebook 支持大家, 昨天起沒有收到她的 facebook message.. 聽 mischa 講, 她有可能已經入院準備了...........

咁幾時到我呢 .......

我而家咬住我老公隻仔唔放啦.........
因為越來越驚呀 !

September 19, 2008

倒數 23 號......................


離預產期 23 號 ...... 好快 就到 啦
好驚... 真系好驚.....
這幾天晚上總是睡不好
失眠 睡著一兩小時又要起來去洗手間
通常到天光 才睡著
所以產假以來都是十二時半才起床 超懶
都不用訓晏覺 都是失眠
因為個胎又大了 晚上bb 經常在動
動到我都怕整親佢 最開心見到bb腳板仔伸出來
余生就會說要 "抓佢腳板仔! 等佢痕喎 !" 笑死
我已經同 bb 講定先, 一定要給我看完 "家好月圓" 才入醫院出世啊 !
如果產房有得看電視, 又咁 arm 有得睇 "家好月圓"
我相信呢樣會系 "最有效既止痛藥 " !!!
唉...... 你知道嗎. 23 號 就好似 一個 "大考" 咁
我一向都是 對於些考試日子
我心理都過不了這些時限
現在在我的日程表內 是空空如也的
不敢想 plan 事情
因為還未過 23 號
如果 bb 遲過 23 號生 我會更驚
什麼坐用食什麼等等........
我都沒心情想了...............
因為大考還未過............... 心情不能輕鬆過來 !
呢個考試我好驚呀 !

September 14, 2008

38週零6日 -- 中秋節 08

小baby , 與你相見的日子一日比一日近了......

23號是你的預產期

前兩天醫生說你應該 on time 到達既....

而家醫生說你是個小fat b, 你現在已經有 7lb 重了

哎喲......... 媽媽現在只重了 25lb, 你已經有 7lb了....

你都幾大食喎, 醫生還說你的肚 dup不了啊 !


給你令我開始有點緊張, 真是開始"驚" 了 !

baby 你要和我好好合作..... 快快滑出來.... 要媽媽生產得舒服啊 !


你的爸爸原來有想過你能中秋節出生會好特別

可是... hehe... 不好嗎, 23號是你媽媽的 lucky number, 最好 23 號才出來呢 !


這兩天到青衣家和家人做節, 我和妹妹帶齊最原汁原味既紙燈籠和 gordon 去公園玩 !

帶了二十多個, 好多小朋友對我們的紙燈籠十分好奇, 原來這一代的小朋友因為安全問題, 他們是從未玩過呢 ! 妹妺和我的傭人一起弄給公園的小朋友, 我當然要做監察啦!!!! 因為有些小朋友是會故意打燈籠弄著火... 我就立即上前吹熄 ! 與及教訓他們 !!


見他們玩得很開心, 比起我們以前煲臘年代........... 他們已經很乖了 !

可是失了去過中秋節時整個山頭, 公園都掛著點點燈籠的漂亮熱鬧了 !

August 22, 2008

第 35 週 (8個半月)

唉, 今年唔知系個天錫住我呀,,定我好彩 ... 今季既五次黑雨加打風,我撞正四次都是我的 day offfffffff ! 真無癮 ! 無拉拉無左四日假期,你知啦,我而家大肚冧dum,地下濕d都驚,所以打親風都好悶,悶到發顛! 尤其今日..我覺得仲悶,因為好焗,一滴風都無.連坐低睇電影都無心機,唯有落街去惠康買定餸for今晚咯,買完餸又唔知做乜. 都系開行冷氣又訓過啦! 訓醒又無胃口食飯,好啦!咁就拎起心肝 update 下好耐無掂既 blog 先. 尤其將之前 missing 左既野都 post 番先 !

一次過快講下我懷孕過程中發生過既事先 : 
3月xx日 影婚紗相

在未懷孕前 1月己安排是次婚紗照.
(我還記得當時叮囑婚紗照公司不要安排得太遲怕有bb不方便拍照. 點知bb 真系趕住咁黎左!)\
所以拍照當天是我懷孕二個半月. 真是辛苦得要命. 而且我們拍照地點是全外景.可是我每分每秒都想嘔想暈,我烏龍到連沙灘景都忘記放在行程 list 內.. 激死我呀 !
都去了很多個地方,不是他們指引,都不知道香港原來有d咁靚既地方.

最後,價錢仲非常合理添!唔似d其他公司臨時有好多好多額外加費. 

這間公司值得推介:法國巴黎 (台灣攝影公司) 地址在九龍紅磡都會國際商場.每個員工都十分體貼,個攝影師真系伏系地下同我地影架.

呢度系, 大埔海濱公園. 原來有咁多靚花喎,成個花海咁.

新娘潭.呢度要行山,扒山,去到最高,有個瀑布仔.好靚架,好在我著左波鞋.

西九龍海皮,呢度最辛苦,因為當天系成個冬天最凍既一日.

晚上八點幾啦,我都凍到頭痛,第二日都要請病假.

好辛苦.以為都唔恨著晚裝啦.一想起d腰封就想暈!


4月25日 註冊大日子

好多朋友仔都怪我無講過我註左冊呢件事
所以朋友仔都不好意思地問我, 出世紙會點等擔心.....
哈哈.. 給你們笑死了,其實我一直都無急過,都系余生吹我快d去註冊,
我一向都系唸無乜所謂,結婚唔重要等.

原來 到真系註冊,同埋大家擁有左隻介指之後.個感覺會親密同二合一咁.

無大請朋友觀禮,因為我又不是穿婚紗,我要求高又不想人多招呼不及來賓

所以都系自己最親既家人出席,唯獨有請我的好朋友winnie & manman 來,可是 winnie 返工趕唔切,manman 就帶埋 bb 女 彤彤 出場,其實我那天是極之感動,一見到弟弟妹妹,manman 時都真系想喊出來. (死忍!) 因為真呢d先叫真心.... 因為加埋十二個人,雖然人少,我已經覺得足夠了,非常明白原來一d生命重要時刻可以同自己最親既人分享,是如此寶貴.

結婚介指,不慣戴著.都是放在一旁.
連在人前 叫 "老公" 都不慣,要過左一兩個月先慣.

介指款色都是簡單的,我喜歡玫瑰金色.





7月23日 - 三十歲生日

今年生日當然非常特別.三十歲.有老公.有肚入面個bb

好充實.無咩三十歲恐懼症.


8月22日 - 九號風球 - 懷孕 35 week (8個月半)


預產期 : 9月23 日



心情開始緊張.bb物品預備得八八九九.

但未洗bb袗.未洗奶樽.走佬袋差少少就ok.



馱左咁多個月,呢個月開始感覺到辛苦..行一陣就累

都系無乜胃口.無乜大食過

在呢段期間,最享受系可以著靚靚大肚袗.

搵到d好靚既袗做大肚袗會好開心好有滿足感架!



而家個肚又大左..大家唔怕可以睇下張相.

呢張系我第一張影個肚皮咋.

我都有d後悔冇每個月影一張做留念.....


你地唔好驚呀,個肚池真系"duck"左出黎架 !



可能bb肥得滯,逼左個肚池出黎! 



暫時....未有肚紋呀
我好勤力呀, 每日茶兩次防肚紋膏架 !
試左好多牌,第時向我請教一下啦 !

July 3, 2008

<<衝上雲霄>> 伴 我的懷孕 28 週

很高興現在每晚都有個期待既心去睇電視.

因為 sam 哥, 因為 sam 哥個型髮.....
令 <<衝上雲霄>> 變得太好睇了.......

zoe 暗戀 sam 哥 的 可愛
實在太 sweet 了

每晚都追看這 < 甜蜜小說 >

連亦舒小說都要閣置一旁了...........

zoe & sam 哥 --- 我覺得好襯

正好陪伴我踏入懷孕 第28 週 (即7個月啦!!!)

June 17, 2008

懷孕第26週

今天剛好是我懷孕第26週了, 即是 6個半月啦…

時間過得很快, 不經不覺我的肚子已隆隆一天比一天長大.. 大到別人還猜我是孖胎b添 ! 好在, 在 details ultrasound checking 中見到囡囡健康成長, 當我從營光幕中看到囡囡在我肚中的活動… 真是奇妙, 看她慢慢把手指放進口中, 又拍到她伸手伸腳那時, 感到肚皮的跳動, 真是幾辛苦都好滿足 !

雖然開始的三個月又嘔又暈的辛苦都隨著四個月後漸漸減退, 而現在6個月的感覺是會比較容易累, 尤其雙腳… 好似血不運行般. 可能我要返工, 所以我都是加重了15 lb 左右, 算不俗啊! 亦都因為有工作, 都可以分散了懷胎的辛苦, 一回到公司, 一向工作要快的我, 都沒有因此減慢腳步, 常常都給化粧小姐們嚷著 “不要走得咁快啦! 你停未呀, 快d去坐下啦 !” 有時我不是不想休息坐坐, 可以坐在office裡又感到發悶…….. 好多時寧願累點都要出貨場走走…..

今天終於拎起心肝寫下懷孕週記, 因為真的不想錯過每一個新的感覺. 好像人家常常問我feel到bb踢你未時? 我很擔心地說 “還未有!” 到我第5個月的其中一個早上, 第一次感受到bb 踢我時……… 真的開心極了, 真的感受到有個生命在我肚內成長, 就算爸爸到前天才第一天摸到bb 踢我時, 他都開心不已…. 這就是生命咯!

男人真的比較慢熱, 通常都在我們5,6個月後才真的懂得去關心大肚婆們, 現在是他提我比歌bb聽, 幾時去買奶樽, 買床.. 等.. 現在地上有少少水都把我拖緊一起走過.. 比著懷孕初兩三個月, 差好遠…….呢.. 還有… 他會想像女兒會怎麼樣, 起碼, 他說不要女兒有紋身… 哈哈..

而我疼鍚的Gordon 又很可愛地常常抱著我的肚去聽bb的心跳, 看著他.. 又是另一種 的 “lum”.

還有, 我到現在都沒有買過一件孕婦裝, 全部都是在boutique 買些較鬆身的袗.. 這讓我在懷孕中都能扮靚靚 ! 買買下…….都買了不了呢…..這都是懷孕中的樂趣呢!

我對懷孕過程充滿著挑戰…..例如: 1) 要每天塗肚紋油/膏 去prevent all line ! (無論沖完涼幾累都要塗!!) 2) 要順產, 必要感受上天只給女人的痛 ! 3) 學呼吸, 要bb 好快咁出世 4) 學煮飯. 已經開左半年, 成績ok, 因為要做個好媽媽 & 好老婆 ! 5) 因媽媽不能伴坐月, 都要學埋坐月要食乜, 要做乜 !

聽唔知點解, 我覺得我可以喎 ! 呢個挑戰好好玩, 好玩過追target, 因為呢個系無滿分.. 無限追, arm 晒我既性格, 好刺激啊!!!!!!!!!!!!!!!!!!!!!


你看, 多懶洋洋..................... ~~

May 10, 2008

好勁呀 ! 泰國冬粉沙律 ......喎

第一次整既, 乾炒牛河, 余生今天幫手做街市佬, 幫我買餸, 待我放工煮, 嘩 ! 買 $10 河粉, 鬼死咁多, 多到個鑊都滿晒, 炒唔陏添 !! 唔知調味系乜, 總之四大調味都落晒........... 系有條芫茜先好睇D, 因為炒到碎晒.. D 味我覺得仲系差少少.. 要上網找下個煮法先 ! (太平館個個唔通落左瑞士汁? 點解人地會咁黑咁靚, 又香甜既?? ) 呢個要再努力.
哈! 哈! 哈! --- 泰國冬粉沙律

呢個極之滿意, 同外面既近似度有90%....... 又易整, 都系在網友個度學師...

又開胃, 食得又開心 ! 加埋罐忌廉.......嘩... 煮得幾辛苦都值得, 好爽呀!

呢個個精粹就系個 "一湯匙既魚露"

都系臨煮個陣先發覺漏左魚露未買 ,

好在, 余生幫手 一支箭咁衝落去惠康買,

真系好窩心架 ! 系余生既大力支持, (包括好食或唔好食都讚!)

就系我喜愛煮野食既一大原動力 !

多謝你 !


包水餃 !

包左幾十隻, 好好食架.

包多左又可以即刻放入冰箱, 肚餓時拎出來滾來送面... 幾正

連埋薑絲 + 酷 一定食.......... 勁正.

又美味, 又健康, 又無味精 !!

水餃皮+料 都唔先$30蚊 ! 真系好鬼抵食!

保濕王 - AESOP


Aesop - Oil Free Facial Hydrating Serum

以我用產品心得, 最重要每個STEP都要做得足. 尤其CLEANSING & SCRUBING STEP , 做得好, 平時唔做 MASK, 塗水份/潤野都吸得好好, 唔好塞毛孔

我以前皮膚都好差, 自從做左護膚品呢行, 又試野多左, 成日見到 D 客人問題, 其實都系STEP個度出左事.... 我一向唔鐘意GEL 狀野, 因為搽完好易有"擦膠粒粒"走番出來, 所以不大好感, 自從用左 "AESOP" 既 Oil Free Facial Hydrating Serum 之後... 嘩................. 正到庇......!!!!

而家咁熱既天氣, 根本爽肤水之後, 直接搽, 搽埋眼都無問題... 夠晒濕立立. 成塊面好似浸住水咁... 呢個無握你!!!

之前好友 Michelle 送左支比我, 我一直未用(因為系GEL) 但我見Michelle 皮肤彈到好似雞蛋咁, 又加上系超 Natural arm 晒我呢d大肚婆用.. 點知真系咁好用...

第二個"好"就系.................抵用!
AESOP 個BRAND D 野都幾貴架, $2xx一支洗面GEL, 但唔知點解, 唯獨是這個 SERUM 系最抵既一支. 只系$4XX左右, 仲要系........100ML 四百幾蚊咋!!! 平時D Serum 得 30ml / 50ml 又鬼死咁貴.... 我都未見過 100 ml 既精華素咁平........

洗面又系咁大支, SERUM 又系咁大支......... 我唸系未調整價錢至真!

如果你只要有水漾皮肤, 你可以一試 !

April 28, 2008

Gordon 參加 樂施會 音樂馬拉松 26 & 27 Apr



我們的 Gordon 因為一向有學琴的關係

有機會參加今年的 樂施會 音樂馬拉松 26 & 27 Apr

而這個音樂馬拉松 亦會在香港幾個商場同時進行

Gordon 參加的是青衣城


好幸運地, 原來Gordon的幼稚園 及 學琴老師 今次都有參予

所以Gordon 可以幫手為這個籌款的音樂馬拉松 出一分力


我們做家人的, 當然大力出錢又出力去支持 啦.


昨天的星期六 和 今天 全家都盡量抽時間出席支持


適逢我放大假, 我當然兩天都支持

見到隔離左右的師奶叔叔, gordon的小朋友仔, 都專程來看 Gordon.

真是溫情暖日


最利害就是gordon 公公, 即我爸爸, 因工作太忙星期日都要工作,

他都連忙趕著為孫兒打氣..... 剛好趕得上表演前到場..

我見到這個場面真的感動得眼濕濕


最可愛是, 因為妹妹昨天已經請了假來支持兒子.

今天我要充當保母, 陪著他等候表演, 拿著相機不停拍照.

到他時又立刻為他拍video........ 緊張到不得了!

見到Gordon 叻叻地和 老師茵姐姐 一起 表演時.

真有點安尉.............

Gordon 轉眼間已經是六歲了..........


真不知不覺.


好在. 他蠻懂事的. 這已令我們放心了.

April 23, 2008

薑汁撞奶 (衰左!)


今日實驗菜譜如下:
芫茜魚片皮蛋湯 (ok)
涼伴茄子 (ok)
椰汁咖喱雞亦 (ok)
甜品 - 薑汁撞奶 (衰左!)
全部都系第一次做咋 !
為左個咖喱唔好失真,
行左兩間超市先搵到我想要的咖喱粉&黃薑粉 !
(兩間距離好鬼遠架!)
我好鐘意芫茜個種獨特香味!
原來芫茜好有益喎
衰就衰在, 個"薑汁撞奶" 衰左,
唔知邊個STEP 出左問題,
可能就D奶唔夠滾OR滾得滯
可能D 薑汁搞得唔暈
等左成五分鐘都未實 !!!
最系都系當糖水食左佢, 個味都好好食.
不過 Solid 埋會開心d 完美d 咯!
一定要再試過 !

April 21, 2008

I found myself enjoy cooking !!!!!!!!

菠蘿咕嚕肉 + 魚香茄子

這個星期放大假, 我會繼續下厨, 嘗試新菜.

今日身水身汗下, 完成了兩味我很喜愛的菜式...

余生比80分呀! 哈...

我明白做菜那位最開心的, 莫過於見到食客食得開心 !

兩星期前 WINNIE 到我家都試了我的勢手 "薯仔蚊雞亦" , 都讚不錯呢!

我從來都沒想過自己可以煮得出這樣的菜式.... (講緊半年前自己煮的真的對不起余生, 對不起自己)

現在在網路上很有興趣地找其他的人家常便菜譜, 嘿 ! 原來都不難做啊!

今天趁買了茄子, 還把一條茄子弄了 "涼伴茄子" .. 現在在雪櫃裡慢慢吸收麻油的香味...

WOO. 明天食之前再拍照給大家看咯..

好..這個星期BLOG的焦點是.... I found myself enjoy cooking !!!!!!!!


媽媽生日快樂 !


昨天是媽媽的生日, 我可以肯定世上只有 "媽媽" 才會忘記自己的生日, 因為 "媽媽" 們日常生活都已經太 "忘我" 了, 通常要記都是記兒女的生日.
我昨天早上致電爸爸說會晚上回家, 爸爸當然想不起自己太太生日啦,,,,, 跟媽媽今晚帶個蛋榚回來吃飯, 她都是莫明奇妙的問, 是誰的生日? 今天是幾號? 她才想記呢......... 因為我們的GORDON仔是非常十分喜愛 "吹" 生日蛋榚上的 蠟蠋, 媽媽在電話中的回應是, 好野, GORDON 今晚有蠟蠋吹了!
任何時候........都是想著別人呢...........
除了妹妹因為要上班外, 大細佬, 大細佬未來老婆阿B, 細細佬 同我隻佬 都在家吃了一餐 美味 開胃 的溫馨 家庭飯.
晚飯後, 阿B幫手洗碗 (媽咪有講唔該阿B, 我媽咪好有禮貌架.), 跟著 點 蠟蠋, 可愛的GORDON 因為媽媽一口氣把所有蠟蠋吹熄, 他不能吹, 而突然哭起來... 哈哈... 笑得我們 ! 我們當然立刻再燃點過.... 讓GORDON 自己享受過 (小朋友真的很天真可愛!)
見爸爸媽媽兩公婆, 這樣溫馨的一張照片, 我想快點到9月啊....... 那我們家庭會更溫馨, 更熱鬧喎!

March 17, 2008

忍唔住啦!


我真系忍唔住啦。。。。

嗱,小 baby 你都13週半啦,我真系忍唔住要話比啲 antie & uncle 知啦 !

本想上個星期把這兩次的超聲波照 post 上 blog, 但靈機一閃, 怕太張揚讓小baby 小氣, (以前我不信不夠三個月不能告訴人的老話, 我現在明白, 當你身為其母時, 真的每每都會為小baby 著想.. 我都變亞婆!)

我的 bb 計劃在我意料之內, 因為我想要 "鼠" baby ! 當我得知懷孕時到現在, 情緒比以前更敏感, 很易感動, 只是單單看些媽媽雜誌, 看到人家分享自己懷孕及產子的經過, 我已經可以眼睛通紅幾遍, 超感受到母愛的偉大.

在11週半檢查時, 從超聲波中看到小baby 在肚內手動腳動地游水....... 可愛極了! 現在baby 只有6cm 的 啊!

而當中的懷孕的不適, 還不習慣, 每天都會有不適的感覺, 有嘔吐, 頭暈, 頭痛, 等....
胃口又完完全全不同了, 以前愛吃的, 今天見到都想吐.........

所以清清淡淡 或 參考一些懷孕食譜... 為了健康, 晚餐盡量自己動手..... 所以我近來對下廚非常有興趣, 有線的 james oliver, 阿蘇真人show 等節目成為我最近常看!

所以小豬你不用膽心我了! 我知你有心架!

夜了,,, 現在會很累, 所以要好早訓............................

還有很多感受還未分享, 待我精神點再blog 過啦!

講左..........................................舒服晒!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




March 2, 2008

林海峰




多謝愛美
讓我看到林海峰

當中還加插前幾行的吳彥祖... 嘻..嘻... 錦上添花

情人節

最近身體不適, 都好久沒有上網了.
簡簡單單的把一些點滴留下先 !

每個聖誕及情人節都只會到余生朋友的JACK TERRAZZA 餐廳渡過

可以說是我倆都懶得在最擠逼的日子與人爭位

另外, 這裡最特別的是每逢情人節都會有即影寶麗萊及加上簡單相架給客人留念

不經不覺, 家裡已經有三幅了.

這個就是我們要來的情義結.

February 16, 2008

BB 萬歲 !

來讓 我舊同學 man man 的公主 hei tung b來這裡現一現身,

say 個 hi 先...
彤彤 b 真系好得意架,
唯獨是... 話時話.....
我每是見親彤彤佢都系訓著左訓,
仲要系訓得好冧唔啋我呢個antie 咯 !

另外一位舊同學, 即較早前提過的 man yee 媽媽,

她今天剛誔下了 7.1 lb 的 bb 囡 !!

恭喜恭喜 !

好期待呢個蕃茄超人媽媽的產品 !

不過天氣真的十分寒冷, 各位媽咪小心健康 !

February 2, 2008

南山面具節 @ 星光大道


26/1 (SAT) 好耐未放過星期六日的假期了, 因我妹妹都不是放WEEEND 的, 所以一有機會便湊兒甥GORDON 出外看看, 我帶他去了太空館看"南美巨龍" .... 在等開場前偶然給我們遇上 "南山面具節" MASK CARNIVAL 於星光大道表演, 一大班來自不同學校的小朋友, 超過150具富特式之南山面具巡遊, 跟著哥哥姐姐打著的節奏.... 一起跳舞.. 可愛極了!

他們在頭上的面具是由中國人最愛的點心蒸籠造成, 上面有不同的計設都是每一位小朋友親手去設計, 這個奇觀都看我們大人呆著. ...


這個 "南美巨龍" 播放, 真的看到我們想嘔又頭暈, 內容太多資料, 太少恐龍, 小朋友都沒心機看, 幸好在太空館買了隻 "甲蟲" 小模型給GORDON, 他不知為什麼偏愛"甲蟲" 玩具 ? 這個太空館紀念品部很不錯, 賣的都是生態小玩具, 送這些給小朋友比超人更有意義很多, 而且價錢還有便宜啊, 盛惠 $35 咋!


又給他在新世中心遇上古董車, GORDON 很愛車架... 男子本性也 !


這個有意義的一天, 比我去SHOPPING 很充實, 所以擁有小孩子是人生必經的階段..
他們給予我們很多啟發及生命意義.

January 21, 2008

理想

唔系人人都可在以系有生之年搵到理想架....
猛下手結婚生仔人人都可以容易實現.....

理想真系唔易
有得追好追啦

我都想追
我都未夠勇
我都儲緊勇氣