August 29, 2007

培幼行動: 招募義工 之廣西體驗團

昨天收到 "好心" 的電郵
打開後如獲至寶

<廣西建校助學體驗團> !

我曾和朋友說過我的心願是能去直接幫助有需要的人
形式好似宣明會那些探望兒童活動

這個形式好相似.
心急之下 今早回公司後立即致電查詢
得悉我想知的問題
那邊霜的人又答得有文有路
還FEEL 到有 HEART

其實我最擔心都是安全問題
因為山區 交通遙遠
他說同行有好多人
有當地官員, 教育人員, 香港記者等
他說這四年亦去了八次

之後我又假期是否available , 又OK 喎
唯獨是.... 14號起程那天是我 會計 考試 !
當然這個考試可以申請延期

又剛巧, 正當我充滿疑問當中.. ... ...
LUNCH 食面期間, 和同事談起此事來
對面搭枱的叔叔哥哥突然搭仙.
他說 : 你所講個啲活動系開線找地方建學校, 會比較辛苦. 你.. (他,一看我的靚甲! 又說:) 怕你吃不到那苦!

原來叔叔哥哥參加了 "苖圃行動" 多年, 他幾月前剛去完西藏 ...
原來這些活動亦分層次, 他推介我參加 "苖圃行動"
因為主要都是 " Auditing Checking" 即檢查已完成項目,
例如檢查一下那些學校有沒有給當地不法之人變成旅館.....等 (不講不知!)
這些行程會比較舒適, 體能不成問題

短短五分鐘的對話 他又食粥又聽電話又趕時間
都給我這個陌生人意見
我相信這就是看了這個物慾世界另一面的開懷熱心
我很想擁有 !

現掙札當中........... 如果有多一位朋友和我去就好啦 !!

你地邊個有興趣呀!?

想知多d 打比我問我詳程呀,

http://www.cef-charity.org/index.htm 培幼行動


http://www.cef-charity.org/GX%20trip%20200710/200710Trip.pdf 招募義工 之廣西體驗團


個心十五十六添.

月門, 過路人 & maisy, 唸下啦 !


我想明天就要作出決定 !

August 20, 2007

好心」提提你: 慈善團體會員徵求物件 "月餅"

中秋佳節, 人月兩團圓.

慈善機構會員正在尋找以下的物件:

1 ) Grace Nursing Home 頌恩護理院頌恩護理 將於9月23日(日)舉行中秋慶祝活動,現希望善心人士捐贈月餅130個,讓長者能歡度中秋佳節

善心人請聯絡社工梁姑娘23376613,或 e-mail ada@gnh.com.hk Miss ada Leung

2 ) Hong Kong Society for the Protection of Children - Children & Family Services Centre
香港保護兒童會 - 兒童及家庭服務中心HKSPC-CFSC seeks the following items for needy family:

i) Washing Machine ii) Cooker

Please contact Ms. Lam at 2760 8111 or e-mail to sw2@hkspc.org


3 ) Christian Family Service Centre - Christian Family Service Centre - Integrated Rehabilitation Service 基督教家庭服務中心 - 基督教家庭服務中心綜合復康服務

基督教家庭服務中心-綜合復康服務會於本年10月至12月期間舉辦活動,教導智障人士設計義工服務,探訪老人院,故需小食及紙包飲品各500包,讓參加者於活動中享用,及小禮物如毛巾500條,送贈長者。善心人請電2951-9322與黃姑娘(Winnie)聯絡。


4 ) Buddhist Po Ching Care and Attention Home for the Aged Women
佛教寶靜護理安老院本院﹙佛教寶靜護理安老院﹚長者於9月底會探訪粉嶺區內獨居長者,需要約 40 條小毛巾及 40 個月餅作為禮物用


5 ) Wai Ji Christian Service - Mutual Support Network 基督教懷智服務處

- 互援網徵求沙發x1、床褥x1、飯桌x1、桌椅x3、雪櫃x1、洗衣機x1、電飯煲x1及冷氣機x1。供經濟有困難的智障人士家庭所用。



你可以登入你的義工會員戶口去查看詳情及聯絡方法。http://www.ho-sum.org/chi/giventake/index_t.jsp
如果你想捐贈物件,請即登入你的義工會員戶口及列出物件。
http://www.ho-sum.org/eng/giventake/index.jsp

謝謝!! 好心

August 14, 2007

butterfry

Beautiful Firework Cake


因太靚, 一次過買了粉紅, 綠, 黑 收藏.
前天送出了兩條.
請那兩人各自拍 及 再放在自己BLOG上相認.
我都想見番佢地兩隻靚蝶.

August 13, 2007

未見過咁靚既--- 生日蛋榚!

Happy Birthday to LiLy !

唔好介意把我的珍藏當禮物! 起碼未剪牌 !

LiLY, this is the best and amazing birthday cake that i never seen before !

點左火後, 朶花會一邊張開, 一邊放小煙花...... 嘩, 好鬼靚!
未見過, 邊度搵架?
lily, 成晚生日會好似系 pizza hut 舉行, 個個都出至尊 pizza.

仲有 ! 記唔記得我有 "樹熊" 變 "蔣志光" 個短片.. 個個都好照顧佢, 個個都爭住上鏡!

我要問過你地先知 open 唔 open 得 !?


大肚婆 man man 失眠呀!! 點算呀?!?!

我好朋友 man man, 失眠呀!
我又無呢方面經驗, 我又好想幫佢喎....

還有, 大肚婆的心聲, 好感動..............
http://hk.myblog.yahoo.com/innisfok/article?mid=410

感動到............ 你是最幸福的媽媽 !

我支持你呀, man !

August 11, 2007

八號波


對上一次八號風球, 應該是三年前
當時我還在 HXBC 澳運站 OFFICE 工作
當時同事們在收到預報通知時
我和 carol 已興奮到極
不停上網更新天文台報導

由人事部發出確認八號風球才能離開
是開心到極點的
當時由澳運站回青衣是快過食生菜
交通水洩不通的情況都是在新聞見到
今日終於目睹了

首先,今天完全不想打成八號
因為成間鋪百幾人,又要疏散,又要埋數,會好煩!
點知會打得成
好彩秩序良好  2時45分掛上
鋪頭3時15分可以掛牌關門

離開時 關心問一下海港城的員工可否收工?
原他們由客戶服務至保安清洁姐姐都不能收工架
他們要留守,待晚間同事回來才能下班
如晚間同事不能回來,他們要一直留下去
唉,學 kaiye 講,真是不望打風,因為有多人真係好慘架

一想起由尖咀坐地龍一定好多多人
一心第一時間call 朋友仔約去唱k又好,打麻雀又好
好辛苦先接駁到 jojo 個手提
不過佢都不在尖咀了
唯一要回家吧
一去到地鐵。想暈,知道點水洩不通了
地鐵已經好有效差不多一分鐘一班車
但人真的多到塞住整個月台
又焗啲男人又臭汗。 好驚,好討厭呀!

等了好多班車,終於上到車
見到香港人真係幾無品(包括我在內)
門一開,啲人衝入去,無比過人落車
落車的人好慘咁扯自己出去
聽到有人尖叫架!
我都比人推左入車

大家都知,如果車門懷疑夾住都會再次開番門架嗎
當再次開門時,啲人唔理發晒顛咁再衝入黎
真系想鬧第二波啲人
就系呢個時候,我旁邊個佬猛叫"我得第一隻腳企咋!"
佢另一隻腳系咁踩我隻腳! 仲要我著拖鞋添
我都唔好老皮同個佬講"唔好再踩,好喎!"
嚇到其他男仔好驚咁,激死!

終於個半鐘先返到屋企
狂食零食又訓覺
訓完覺再繼續埋我帶回家做的工作
訓完邊想做 所以拿出那支上海風味的"加飯酒"加加油!
飲左酒,果然做得快啲

但好失望,點解今晚無"妙手人心"播呀?! 
追緊架。。

此相是我在人逼人時,按不住要拍下
其實在此時,已經好多人舉起手機拍下此情境

你地八號風球又做左啲乜呢?

August 8, 2007

即時渡假聖地 - 澳門永利 Wynn Hotel (picture)








如果難放大假的朋友們

這個是EASY 既 選擇 快靚正!

正好給我們急速的香港人.... 抖抖氣... 來個快叉電

即時渡假聖地 - 澳門永利 Wynn Hotel

去完日本三個星期 卻已急及待蟻咬般要享受一番
8月4號先和朋友仔去游般河 表弟飲醉酒 五分鐘表哥教識我游水
曬到燶左

星期六 & 日 公司又好生意, 過百萬大關同紀錄, 仝人開心 !

星期一 & 二 放縱去澳門嘆世界 !
經理介紹下, BOOK左新野 " 永利 Wynn Hotel" 住.
聽講好高質素

去到........ 果然 "嘩 ! 好靚 !"
十分渡假, 地中海 feel, 設施又齊, 員工有禮貌
第一天去過數間 casino, 無論 "朝偉星際", "發哥 CROWN" ...
都不願再花時間在外面 急急回永利賭場玩, 高級斯文好多
房間又大, 如果我屋企個厠所 (300尺) 有咁大就好啦 !
$1700 晚我覺得值得 ! 個 view 好靚, 好 wide !
酒店泳池超超超靚 !!!!!!!! 好似去左泰國渡假 !
我相信全澳門最高級的名店盡在永利, 與香港半島相若
好鬼心動
因為懶, 所以晚餐在酒店的 cafe 食 buffet
懶有懶著, 品種不多, 勝在樣樣掂 ! 尤其意大利菜 個部份!
來回食左意大利菜 幾 round ! 
我平時最憎食 buffet 甜品, 因為通常甜到死, 難食!
今次卻頂瓜瓜 ! 木槺布甸, chocolate brownie, dark chocolate.. 好少buffet 甜品飽仲要食
waiter 個個都好nice, 樂意介紹重點必食給客人

鐘意間酒店 鐘意到唔捨得走... 留到最後一分鐘才離開

點鐘意 ? 從今次輸錢離都咁開心就知幾滿意

返到屋企... 仲掛住酒店. 好想住多幾天 .....................

永利, 真系好掂, 必短期內翻炒 !!

August 6, 2007

2007 溫馨的 723












今年真是溫馨的一年
因為識認了三位新朋友
由同事成為朋友.... 好快咁又進展成為交心朋友

Tyra 傻豬送的耳環, 個個見到都問邊度買. 我話: 我好朋友送咯, 無得買!
大肚準媽媽 Innis 送的當然名氣 dior la ! 淨影個盒都和你一樣高貴 !
Anita, 有時都不明白.. 你對我太好了, 難得一天放假都抽空和我食 lunch,
爭住請, 又要送 jewel brush set 給我.
好彩, 我這個懶人都旱有地為你 "hand made" 了一個 tote bag.
多個小時給你一針一線造起這個你曾經經過 Lcx 時
說過喜歡的 大頭妹 公仔! )
本人要推介所有女仔朋友參加, 這個非常有 heart 的創辦人 Prudence Mak.
從大家一邊一針一縫之間的談話, 感受到她放棄商業設計公司 designer一職,
至現在隨心把有 heart 作品教授予他人的滿足感及歡欣.
創作及手作仔可以冶療心靈..... 幾個小時候的作品... 雖然不美.. 卻已充滿生命力!
anita 恭喜你可以過值得過的生活 !

另一個大驚喜... 就是 GODIVA 朱古力 !
監介的一天, 原本想申請請同事食餅, 誰不知... 要你破費,
其實到現在我懷疑你是否不好意思才送.. ... ..
因為我太過直接了 !
而我又給你嚇呆!
你嘻戲的問我 "開唔開心呀" "係咪好感動呢!"
你平時是 cool cool, 突然間 warm 起來, 一下子不懂回應 !?
hehe... 因為這盒 GODIVA 令我這個生日開心 x 10 興奮 !
因為我相信緣份
我見你現在笑口常開--- 靚女幾多!
我真是打從心裡為你開心
公還公 私還私
工作上和平時沒樣 只會做得更好
乜我講野好怪咩 !?
不是怪...... 是直接 !
時間無多..... 沒有多餘的氣講癈話
講重點, 講白啲........ 不能失真!
還有多謝 卡兒, 小方, Stephen bb, 羅強0701 的再續生日會.
是卡兒令我生日會 extend 多一星期, 去就三四個人,
到時她又週圍告訴人"我個friend生日 !" 令到無party 都變成 大party
卡兒你好傻呀!
真是明白真正的感情是包括反思及包容. 失去過大家才會珍惜.
我絶對相信其他的感情可以過之而無不及過...... 所謂令人瘋顛的 "愛情"
可以比愛情更深更濃厚
亦可無條件 及不雖要佔有
以上是 2007 723 的得著.
2006 723 既陳翠茜 的生日片段 <== 當年還記下小二的初戀情人......


一年之嗎, 怎麼會有陌生的感覺.
除了陌生, 還有..... 哝..... L => XL ! 了一個碼啦 !!!!
算.... 福氣罷呢 !