July 15, 2011

有了小朋友的家










用最自然的方法,小朋友吸收就能如海綿般吸晒。

余靜現在已能閱讀簡短句子。

雖然家變很醜怪了;

可是她這樣的自然發揮,令我很有滿足感!

June 23, 2011

DIY Baby Jeans Dress (cut from my jeans)







又一滿足感之 DIY 作,把我的牛仔褲剪短!再分折,又合拼,再上市(重用!) 一針一線,親手縫。(其實已經拖拖拉拉做了一個月了)今天終於完成,後面有鈕扣,可以調較,所以兩姊妹都可以穿。(太實用了!)


我已經開始找找不穿的衣服布料,再希望造衫給他們了。


這些用心DIY 衣服,我相信讓他們長大後可以好好保存,甚至乎可以再留給下一代(如果沒有世界未日的話!)

June 16, 2011

九層塔/羅勒/紫蘇/Basil /金不換

今天的午餐,我很喜歡 紫蘇 ! 

喜歡那獨特的氣味,不濃味,淡淡的,有層次地送到味蕾神經去。 



紫蘇 又名太多:這個餸可以叫做"九層塔/羅勒/紫蘇/Basil/金不換"炒青檸鮮什菌。

材料:

$10 兩包 鮮什菌 (惠康)

$3  2札紫蘇 (今次用了一札)

Garlic & 紅蔥頭 少許


調味:

少許 魚露

少許 SALT

少許 青檸汁 (約1個)

如要辣-可加辣椒半至一隻


做法:

1) 先把GARLIC&紅蔥頭切粒爆香

2) 放入已切好的 什菌 炒下

3) 加調味 (我喜歡酸的,所以放多點青檸汁)

4) 其實菌好快熟,見啲汁收左少少就可熄火

5) 熄火後才下 紫蘇 (因這樣才可保待紫蘇的香味及原貌,不然熟透就縮小皺晒就唔好食了!)

6) 再用來撈米粉,真是消暑開胃一流!


簡簡單單,又有營養,又開胃,余生食到勁讚!








June 7, 2011

Borsch soup - Open your hot day appetitie !!



太悶熱的天氣,弄到我悶悶不樂,胃口反倒,行動緩慢。


要DIY個 羅宋湯 來開一下胃口!


因為突然好想食,好快刀快切將所有蔬菜切細,放入一大煲滾水中,(基本上所有你喜歡的菜都可以放)-->


重點:


加2罐 茄膏 (如LIKE 酸者, 可加多1-2罐)

加 1 罐 牛尾湯 (懶人做法,有心者可加新鮮牛腩,加左好味好多)


加2-3條 小辣椒 (啫辣者可下多,今次因為可以比埋2個小朋友食,所以我無落)


滾到啲菜林晒,可以熄火。


正。。。。。余靜余願 食很好開心,佢地好鐘意入面既紅蘿白&薯仔 (薯仔今次我用左惠康既焗薯,原來同街市個啲唔同,好粉好有薯味,小朋友好鐘意)


我啫辣之人,一定狂落 "Tabasco" ,又辣又酸。 開晒胃口。


而家我要D好開胃既餐單。大家有無分享呀!?

May 26, 2011

立刻重拾信心的秘密 DIY - clinique 粉盒


DIY - Bling Bling Clinque 粉盒


我知我有點誇張,當然不化粧都可以有自信。 而我這些"黃面婆"經過紫外光既洗禮後,真係照鏡都嚇親自己!! 還有我這個 C9 , 通常都9秒9出門口,個女又要乜又要物,想整理下自己個樣都無時間,(今日誇到連個打風訓醒覺頭都無吹過就出街,啲甲油又甩晒!好彩系街無撞到朋友咋) 分秒必爭,坐車就是最佳既化粧時間。 求其用two-way cake 卜兩卜,再加埋條眉,已經似番個人。   (我知有多人好憎人系地鉄/巴士化粧,對唔住,我地呢類人種系唔介意你地點睇我地架!HAHA)

粉盒系我出生入死之交,我梗要同佢扮下靚架啦,Bling Bling 左,呢個超細 Clinique 粉盒 正左好多! 我就鐘意佢咁細,就算帶幾細既袋都放得入,我既TIPS "唔想比人見到個粉樣"白晒" 咁" , 我建議挑深一個色,化左無面頸2色之外,仲好似無化粧咁 natural. 咁膚色當然會均勻左啦 . 就算你個日超causal 都唔會同個 "超粉樣" 唔夾咯!!

May 20, 2011

DIY sleeveless Tee shirt

聽說這個夏天會很漫長,亦會很熱。 今日太熱.. 只想著背心和拖鞋出街。


今天找到這件TEE,未穿過,我好想剪爛佢!


 唔想見到對長柚,一見到就好熱啊!!

呢啲剪左袖既TEE, 令我唸起大汗淋漓既大漢!!

無計,近年呢啲叫做"Vintage Tee" ,先至"潮"呀!


好,大刀幾揮,剪得好痛快。。。著上身都有滿足感啲!


IT 都 實有呢D款,幾有style! 慳左錢,又有件新衫著,心情好靚!




呢排,玩左好多 DIY . 明天再POST !

May 16, 2011

余靜 送給媽媽的"屎"

大家唔好以為呢個咁CUTE 既就系我個女送比我, 因為我個女送比我個啲系"真屎", 只不過用呢黎美化一下以下我 既經歷.


上個星期六 (母親節前夕),當日是余靜"徹底戒片大行動",點"徹底"? 就是帶著半打內褲仔和褲去街,忍心地不給她穿尿片,如果她要尿尿就要叫我們,不成功的話就會全褲濕了,就換咯!! 工人姐姐同我都齊心做這個行動。當天到商場時,已經換了一次。其實她十分喜歡不用穿尿片的時候,可惜她叫尿尿的時候通常都要尿了,她都要時間學習。

那好,當日我們在外邊玩了幾個小時,回家途中,妹妹余願嚷著要睡覺,就讓工人姐姐送妹妹回家先,工人姐姐就連濕紙巾等等都帶走了!!!!! 好戲來了,回家途中余靜說要玩一個平時很少玩的公園,好!我一定陪呀!平時這個公園都有人玩,有很多公公婆婆坐著週圍,不知道為什麼今天沒有??? 待她滑了2次滑梯後,余靜突然說:"媽媽,poo poo 呀!" 我那刻想.....不是嗎!!   如要回家路程尚有一段路,加上等電梯 坐電梯再到38樓,她一定忍不到!! 

在那3, 4秒間, 一邊想辦法,一邊好快抱著她,那刻個腦分了幾十個可能性同解方法。究竟: 返屋企好? 疴在褲裡好? (<--這個最唔想!) 咁定係點呢?!?!   

好!再另一秒,把她抱到花叢中,抱著她蹲下來大大,
余靜竟然叫"媽咪,呢度唔可以poo poo架!"
我即回答:"唔緊要,植物今天需要你的poo poo做養份呀!"
她回應了: "哦!" 然後才肯蹲下來。

戲肉到啦。。。唔好轉台呀。>>>

其實我心裡是極之非常之不安的,
因為! 我記得我袋中只有2張半 麥當勞紙巾!! 
對。。。。因為所有的都給工人姐姐帶走了!!!

各位觀眾,注意!以下會有核突屎內容,恐怕會令觀眾不安,打冷震,及作嘔。後果自理。

好,我要好好arrange 那2張半的紙巾,用了頭2張清洁後;
再用到第三張時。。。。正在為她清洁時.......... 她的 poo poo 又湧出來了)))))))))))))
你試過嗎!??!?!??!?! 你試過成手 "新鮮屎" 嗎?

唉,個一刻鐘,我沒有大叫,沒有大反應,心問自己"究竟發生咩事?""做人就係咁?""back to basic ?!!" & "What the HELL!" 那刻充滿 無奈!!!!!!

擦了的,又回來;手指公擦去了,食指又沾了,食指擦了,中指又有!<--<做人theroy la !>
來來回回了幾次,都是用撿用過的那2張半紙巾。
最後紙巾再無地方給我重用再重用了!最後擦到最能接受的程度就算了(所謂接受程度其實因為連指甲邊都入了!!無得擦!!好彩無揉甲油,不然入了屎甲都不知道!!)

好然後把余靜穿好褲仔,她Pat Pat 都還有未清洁的 poo poo 啊!!
無辦法,唯有一定要回家! 
一手抽著幾袋餸,一手凌空的不動。
余靜要拖我有幾袋餸的手。

一臉無奈回家,不能用手開門。
一進立刻飛入廁所,洗呀洗,擦呀擦。
跟住又要9秒9沖涼。

當天整晚都悶悶不樂,因為呢件事我感到極之無奈! 很多很多無奈 無奈 無奈 在我腦中出現。"唉"了很多聲"嘆氣"!

從未如此這般新鮮熱辣,這般親近過。我指"屎"!

唔知寫完有咩想講,只知"無條件的愛"。

第二天,余靜,突然同我講"媽咪手指有poo poo 架。"<-唉!


實習了3天她懂了, 現在還不用穿片片訓覺添! 是徹底實行的快速成效 !! 值得!!!!

May 5, 2011

拍廣告中.....

警告 : 千祈唔好 噴飯, 噴早餐呀!!!!!!!!!!!!


造型 : 潮爆死師奶 (XX信貸地鐵燈箱廣告喎! 定係比阿kim 整古我咯!)


(我覺得呢張好似我媽咪"陳太"呀,不過系高左既"陳太")
一埋位, 知道有假髮帶, 扮師奶, 不知幾輕鬆, 因為 "唔扮野, 做自己!!" 仲有, 玩呢 D 扮野玩野對我來說完全無難度! 不知幾投入, 要我扮靚女斯晒文先有難度!  我地全場人玩得好開心, 我就建議爆笑啲會正啲, 所以有呢啲爆笑POSE。 因為我太合作, 原本要拍兩個鐘, 一個鐘就搞掂晒 !!

無論場內場外, 我都系有個橙色買餸袋, 真系裡裡外外都系一位"潮爆死師奶"!


拍真系唔怕,最怕就系post 唔 post,真系驚俾你地笑到死!!! 而我又想俾你地笑下,開心下。

我老公不知幾 like 呢個造型,佢最鐘意我核突架啦,佢話可以再激啲喎。我媽都忍唔住嘩,咁師奶架!(比師奶話"咁師奶"真系唔系咁好受架!=_=") 




May 4, 2011

happy foods for baby in Summer

近日天氣漸熱, 我兩個小鬼都沒胃口吃飯, 她們都好似我們一樣, 吃得飯多, 通粉多 都會厭!

即想起做 壽司! 基本上, 大部份小朋友都勁愛 壽司! 所以昨天到 jusco買了這 腐皮 回家 打算今天 做壽司給她們!


做壽司, 方法勁易, 煲好的飯放入壽司醋, 再把飯放涼, 將飯放入 甜腐皮 內, 即成!!!

壽司中, 我都最愛點 腐皮壽司, 那種特別的甜味, 我可以吃很多件!!

兩個小鬼見到當然 "尖叫" 同 "開心到跳舞" (真架, 余願一食到好味野, 就會跳舞!)

余靜返下午學時又食, 放左學 又食! 幾捧場!

你們吃得開心, 媽媽最開心.



到晚餐, 又換一換悶氣, 煮了肉醬意粉 + 沙律

(還有炸 mozzarella cheese, but 太熱氣, 不敢放出來, 給余靜吃了2件便收起! 好好味添呀)

你見到余願食到成枱, 成面, 成身 都係 就知幾好食啦!! 哈哈..

(這恐佈場面 每一晚都發生!! 我次次見到都神經病發!

唯獨我工人姐姐超好耐性無發脾四仲笑住去處理, 幸運是我.)







Dirty 到要 除衫 ! ! ! !

April 27, 2011

Mid-night Comfort foods

我係一個"湯王", 乜湯我都鐘意飲, 公仔麵個啲湯我都可以飲晒架!!!

湯都可以話係我地中國人既 Comfort food, 我阿媽基本上日日都有煲湯, 唔煲都會滾湯, 皆因佢老公即係我爸爸大爺每日餐飯都要有湯同有條魚先至叫一餐飯, 都幾煩架, 我阿媽到今時今日都發奴騷架!! 所以都養成我鐘意飲湯既習慣, 我一餐飯最少都要飲兩碗, 鐘意飲既話3-4碗都仲得 ! 所以而家我煲湯, 咁大煲, 我老公都係頂龍飲兩碗, 啲女唔幫襯! 其餘都係我飲晒!!


今日街開街市見到有湯包, 見到呢塊"龜板" 覺得好堅咁! 老板娘話 "土伏苓 龜板 赤小豆 湯呀, 去濕, 無暗蒼, 皮膚靚架!" 佢咁sell 法, $25 啫, 唔試唔得喎, 因為近來唔鐘意煲湯落肉 (因為煲完湯的肉通常都難食到死, 掉左又浪費心痛) 跟住又聽阿姐話, 買半個粉葛一齊煲. 日頭唔得閒煲湯, 我心急又想快啲有得令, 就算零晨1:00AM 我都要煲湯, 我最鐘意用呢個煲湯電煲 煲湯(唔系急口令呀!) 又唔洗睇火, 乾手淨腳. 我上網睇過 原來土伏苓 湯真係好掂架, 加埋龜板, 我唸有龜苓茶既效果, 等我睇下飲左後啲想谷既粒粒係咪會收左先!!!

2nd Comfort food -- 在等煲湯的時, 飲番杯 加左 自己打既 sweet cream 落去杯 咖啡 度,

嘩! 多cream 個隻咖啡係咪叫 latte 呀? 加左之後, 係勁好飲, 好似$35一杯個啲 味道, 完全唔相信呢杯原本之不過係 $1 包既即溶咖啡 之噃! (下次邊個去開我屋企, 我整比你地試下!)

即刻同老公講, 好有衝動去學 沖咖啡呀! (真係想喎! 太多野想做, 睇下有無時間安排到先)


完成啦, 現在是3:30am , 我都忍唔住要飲番碗先訓覺!


4:20am go to bed. Good nite



April 26, 2011

Treasure @ H & M










患有 "善變" 及 "選擇恐惧症" 的翠斯 來說,在那些大連鎖店購物是一大好事。我的心頭好,H&M, Zara & Monki, 他們的出品又trendy 價錢又合理,最好就是,在心大心細己及目見一條長龍在等待試衫的時候,好多時我都買左先算,回到家不喜歡/後悔時,我可以在一個月內想清想楚,再拿著發票一拼退回 REFUND ! 是的... 是refund 啊, 明明寫得很清楚, 但是週邊的人太多數都不知道可全數退錢這回事.... 就算知道, 他們總是說不好意思去退,好像我好有問題喎! 你知道嗎,我已經退到無感覺,還有點開心,因為我清醒過來不需要這買錯的東西,亦不會阻住我個家!尤其,那些大型商場的消費泊車優惠,這方法必用不可!購滿$200可免兩小時等,我們必在以上的店9秒9買完去取當天泊車優惠,然後一個月內在任何一間退回便可! 多方便, 這就要看你有沒有定力,因為有朋友原本是為了這目的才購物,回到家後全都接收,變相,消費左。  


我算起來都可以算到條數好細,例如BB尿片,我是per pcs 單位去衡量抵唔抵著. BB濕紙巾都是, 我最近發現 waston's baby tissue wipes 應該是又有厚度又抵用既濕紙巾,價錢太約$14.9 (80pcs) = 0.18 一張, 如有wastons 咭好似仲有95折. 我是這樣計數的,連白米,生油都咁樣計,所以通常8斤同10斤米的 per 斤 都系差唔多一樣價錢咁滯, 所以無必要買10斤咁多放在家.


講回H&M 尋寶,這三幅 Sunnies 我真的喜歡到不得了! hello kitty ($49) 是余靜的,其他兩副 ($69)是我的,我平時都不敢買平價 sunnies,因為怕擋不到UV而傷到眼晴,我見它的吊牌巾UV400的字眼,而我又恐嚇了幾個售貨員問如果不能防UV會傷到小朋友眼晴啊!!他們都頗有信心說"可以的,放心用"... 我就買下了! 今次無後悔,因為退款不適用於accessories ! 回到家,他們兩位小朋友很喜歡很開心,余靜還擺了幾個POSE 給我拍照.. 超cool , 笑死! 她們太可愛了 !!

April 24, 2011

DIY Studded on my old bag !







玩一玩 創作 之後, 心情都舒暢番晒!

完成後極之開心,很有滿足感!

今次DIY 是一個"死心不息" 及 "唔"奮"氣" 既動作, 因為之前在 Pedder House 的 大減價中 見到一個 好鐘意 的Alexander Wang 袋, 原本要9千, 大減價左都要4千, 就正是個黑色牛皮手袋cool cool 之中又有一排鍋釘在肩帶上.... 好鬼有性格, 好特別, 因為當時同款只有最一個在場, 當我拿著時已有幾個人問我這 個袋... 當時我當然死拿著 不放!! 那刻和我同行的 中學同學 "shopping 精 桐桐媽" 一起, 她叫我不要買, 她說 "只是幾個鍋釘而且者!!! " (最好笑, 竟然是一個 shopping 精 不停叫我不要賣!! 平時我叫她不要買野多, 通常她都不理會我!! 反今次給她說服好, 哈哈!!) 我相信, 在我身邊等我放下這個袋的顧客, 都估不到我拿了個幾鐘後才放下, 我當時把它收到很埋的地方, 不要給人見到, 靚袋真是靚袋, 轉頭已給有心人放在手中了!! 我還見她很高興地打電話給朋友說找到寶!! 當時心裡都酸了一酸...........


所以我心裡記著這鍋釘, 因為我當時只是喜歡那十幾粒鍋釘, 我覺得沒理由為了十幾粒鍋釘付出4千蚊!! 我相信我可以找到這些零件 給我 DIY !!! 上星期到深水埗買玩具給囡囡時, 老公提醒我要找鍋釘, 我都忘了, 是他常常記著我的無聊事 ! 雖然找不到一模一樣的鍋釘款, 但我點都要買些回去 玩下! 回到家想開始的時候, 才知道很難下手....... 因為要打洞才能放釘, 想了很久決定用這個近期跟我貼身出入的戰袋!!! 好好玩呀! 我想我會找幾對鞋釘埋釘!!


挑到我的DIY 癮起, 立即湧起衣櫃裡可修改的衣服等等..... 第二天已找了一條牛仔衭好爽也地 CUT 成短牛 ! 由舊變新, 同做人一樣, 不能獨沽一味, 無變通, 自己想下辦法(DIY), 又有一條新血路!!!


我打算把剪下來餘下的牛仔布做點東西給 小朋友 先! 完成後再POST給大家看!!!




April 23, 2011

Mid-night Coffe



為什麼深夜2:57 已經聽到雀仔在唱早晨歌? 因為夏天嗎? 以前都沒發覺的啊!


深夜2:57 還有心癮要去喝一杯咖啡,可想知我的壓力有多大。


如果不喝,心又癢癢的。 喝了,又不知會多久才睡。


究竟,我想睡 還是 不想睡。


覺得很好味道。心情舒暢點了。想再來杯Mr.Brown 的即沖奶茶添啊 ! 



April 20, 2011

1978年7月23日 的 孫燕姿 與 翠斯



孫燕姿 世說心語

每一天 鏡子前 我看見 同一個臉
卻聽見 在耳邊 呼吸聲 好遙遠
我想笑 我想愛 想奔跑 想擁抱

我是怎麼了 像被困住了 時間滿滿的心卻空空的
有那麼一天 時間停止了
才發現原來心自由才能
真的快樂 單純快樂

每一夜 月陰缺 我學會 不完美的美
心跳聲 在周圍 催促我 有夢去追
我又起飛了 我是自由的 隨風旋轉著開心唱著歌 有那麼一天
時間停止了 才發現心自由才能快樂

這種感動我記得 像出發的那一刻 哪一段才是永久
太多美麗的語言 不比心語的純潔 勇敢奔向新世界
我又起飛了 我是自由的 隨風旋轉著開心唱著歌
在那麼一天 時間停住了
我會知道我心是自由的

昨天感冒初起 吃了藥後沒精力打字了
我有太多想在這裡要說的未說
心非常焦急 好像欠功課似的內疚
今晚提起精神 趕起這篇我最想分享的歌及孫燕姿

我經常沾孫燕姿的光,因為我們都是同年同月同日出生
而我覺得我們卻有著不一著的生命 及 性格

她為了追求自由,找回自己,已經閉關了好幾年才今年重新出發
看到這詞充滿著很多個"自由" "追" "開心" 等, 都是我最喜歡最敏感的形容詞

她性格應該是內向的(Internal)
我的性格是 非常 外向的 (External)
內外的人 通常有氣質的 (因為少說話)
我的 通常給人感覺都是膚淺的 (因為太多說話!)
所以我都要裝一下少說話添一下氣質好呢

我不知道她的想法
而我卻知道我們都愛 "新的我"
我任何時候都可以 "重新出發"
我太怕悶了 太怕死局了
我們太愛自由了

"重新出發" DIY 一個新的 "自己" 的方法

方法一)泡個熱泡泡浴 又是一個新的我
方法二)我看厭自己 跑去漂一頭金髮 又是新的一個我
方法三)我覺得時間太多 覺得一生為了自己太自私 於是誕下兩個可愛的小魚兒 用盡無私的愛
方法四)去個大便便 放下今天 又站起來活過
方法五)深一個深(very deep in tummy) 的深呼吸, 腦袋充了新的氧氣, 爽晒。什麼胡思亂想都醒過來了!!
方法六)施比受更快樂!本人實驗證明,幫人可以忘我,用第三身看這世界,你會覺得什麼是幸福
方法..........) 換個最新款手袋,電話,轉wall paper, 轉鈴聲, 突然化下粧.....等等 (我最常用!!)

等等...方法都可以使你"重新出發",只要你"想"便可以!

如果你都覺得自己在困局,悶局中,都想個好籍口 擦新一下自己啦!

April 18, 2011

Sunday kids breakfast

2 in 1 Baby Stroller ,

每逢這樣坐法, 所有途人都會望著他們大叫"咁都得喎!

哈哈! "系咪孖女黎架"

<-- 我都唔知點解明知一大一細, 都會問系咪孖架 !?!?!?

They read the menu to order their set breakfast ! Little one started to clean her bowl before eating ! good habit ! 基本上我個早餐比佢地兩個分晒黎食 ! 余靜霸住杯凍可立 唔比我飲......=_=~~

April 17, 2011

每個人都要有支救命 toner !


我好愛 爽膚水 toner 架!

我覺得爽膚水 在 各護膚品中 是最溫和 兼 "最實用" 的一個項目!


差不多每試一個護膚牌子時, 我都必首先試她們的 Toner, 其實 絶大部份 Toner 都有最基本既補濕功效, 而大部份人都只作 "爽膚" 作用, 拍拍更算 !! 唔好浪費, 仲可以咁用架!


以我多年 這 慳家用家, 倒給我找到其 Toner 還有更多用法 :

method 1:

一般用法, 洗臉後用手拍/ 用棉花拍上 toner , 然後塗上"那期"最愛的 cream (<-為什麼"那期" !??! 因為我們做女人的, 通常用不完一瓶面霜, 已經急不及待轉了第二瓶新產品用了! )


method 2: (用作清洁洗臉法)

如果你和我一樣都是底層缺水的皮膚

(其本上大部人都是這個問題!!! , 無論你真 DRY 定 combination to oil skin 個隻 dry, 都是因為皮膚底層缺水更加要"張開你啲毛孔" 再 "排啲油脂" 出來 保護 我們的皮膚咋!! 我們身體是很聰明的, 可是毛孔她們不知道幫了我們後, 越幫越大獲 !! 毛孔咁就粗大左!!!!! 都唔知嬲唔嬲你地好!)


以前做美容顧問時, 都是教一些客人這樣做, 她們都有回來讚膚質有改善.

用法好簡單, 市面上可以起泡的洗面膏其實當中有起泡劑, 起得好勁的那些, 你們有否覺得每次洗完臉後如果不立刻塗 cream, 塊面都會 "猛猛緊" 呢!? 好簡單, 如果你肯! 明天試試一早起身面油油時不要用洗面膏, 就是把你沿用的 "Toner" 沾在 潔膚棉 上, 然後就直接用這"Toner 潔膚棉" 跟著你面的紋理去抹下抹下, 眼面頸耳後等... 通通抹完後, 你會見到那棉花上抹走了很多dirt & oil ! 然後再摸一摸你的俏臉, 嘩!! 你應該感覺到 "清爽, 濕潤, 水彈彈" 架噃!!!

當時因為我皮膚敏感才試下這個方法, 如是者一個星期之後, 皮膚敏感消除了, 還少了暗粒添! 所以我都好建議大家可以試玩幾日, 睇下有咩唔到同啦 !


method 3: 當急救 MASK 用

同上面method 2 差唔多, 我比較 lazy, 一回家 潔面後, 都會拍沾濕 Toner 的 棉花 膊在 "兩額" 及 多種我覺得乾 OR 覺得有少少不尋當反應既部份 (不尋常=即指你 feel 到佢好似想爆倉/有啲痕 想敏感既地方).......... 用toner 膊面的好處是 可以 無限次 無時限, 膊幾耐都得, 不要用到棉花乾透就好了, 在還有少少濕濕地時掉 或 再加濕繼續 ! 因為我一向都用開 Rose Toner , 我記得余靜四個月塊出晒 粒粒時, 我都忍唔住同佢膊呢個 急救mask 架. (我傻架!! 你地千祈唔好學我呀!)


總之 Toner 對我來說 重要過 洗面膏啦!! 哈哈! 你們用過 SKII 的神仙水 嗎? 我都好喜愛架 (真好用既! BUT 貴咯) ! 最好笑, 神仙水的氣味 很像 臭腳味........ 我每次講開它都會連同這個爛GAG 一起說!! 如你未用過 , 又不相信的話,, 明天放假去 SKII counter 聞下吧!!! hahahahha


今天分享到止!

April 16, 2011

兒童餐



又要搞搞新口味去吸引余靜 家姐 在返下午班 前 好好地食飽飽 才上學去!


今天想到很久沒弄的 "白汁芝土長通粉" , 剛好家裡有 Cream , 又有 Mozzaarella & Chedder cheese.. 可以快速地弄這個給余靜, 一上"碗" , 她已經歡天喜地, 又說 : "媽咪, 好香呀! 媽咪你聞下, 好香呀!! " 一口之後 更要加多句 " 媽咪, 好甜呀!" <-- "好甜!??! " 對!! 她對食物的形容詞都會曬晒冷!!! 一係就 "好辣 好熱 之類, " 總之 positive 她通常都會 說 "好甜呀" 真的笑死你!!


當你望著這由初生小嬰兒, 至牙牙學語, 到今日可以好清楚好明白 地和你交談......... 我常常都覺得 "不可思議" "難以置信" ! 天地萬物很奇妙...... 讓我們能夠享受這不能形容的滿足, 及偉大!


分享這做法給大家, 今天因為太趕, 其實可以加進更多有營養的材料, 如下:


白汁芝土 西蘭花 煙肉 長通粉


1) 先將長通粉用熱水煮 8-10mins (可加鹽一起煮 / 或在做汁時才下一點點鹽調味)

2) 又將西蘭花 煮熟 後, 用叉把它壓至 蓉 (混入 白汁中 d 顏色會好靚架!!)

3) 把切粒的煙肉 輕輕炒一炒 備用

4) 把適量的 Whipping Cream & 你的喜歡的芝士 放在碗內 (如你煮麵時沒有下鹽, 你可在這裡下鹽調味)

5) 煮好的長通粉隔水 留在鍋中, 把4)的cream cheese 倒入鍋內煮至杰身

6) 熄火後, 把已準備好的 西蘭花 及 煙肉 mix well together !!!


咁就完成...! 好鬼香架..... 唔想咁"留" 就唔洗落太多cream 啦 .. 小朋友一定鐘意!!!

April 14, 2011

"extraordinary life " 非凡生活

今天替我的博客裝修了一下..... 感覺煥然一新! 尤其那個 backgroud 的 小雨點....... 好鬼浪漫啊! 雖然我沒有加BLOG SONG, 可是腦內好像已經起了浪漫的音樂. 都要裝修, 不如都把博客招牌大名都擦新一下吧!


想了想了, 看到最近世界發生的事, 好像都在提醒我們好好 "珍惜" 啊! 我覺得都是最實際地 "學下點樣有效地用埋我今日還擁有的時間! 怎樣過得特別, 最起碼要對得起自己呢!! " 所以 簡簡單單 地叫 "extraordinary life " 非凡生活 " 好吧!!


學習點樣做個好媽媽, 學習點樣做個更加好既老婆, 學習點樣充份地運用時間 (我只會填到個時間表密麻麻, 就算得一個鐘 free 我都要同D 女玩好多game, 就算系街度都要打晒幾間美容院睇下邊度有得即時做facial ! ) 夜晚又唔捨得訓........! 又不停學東學西, 連 online 學整網頁都報埋.... 其實是不能夠接受自己停下來 ! ! 又不能夠接受自己普普通通過日晨, 要 "Extraordinary Life " 呀 嗎!


今天回家時, 我在那短短的 藍田地鐵至回家路程 (因不明白是需要四條超長扶手電梯才能到地面!!!, 住了3年都十分有衝動向地鐵投訴為什麼沒有升降機啊!!! <---藍田友有無同感啊??!!!) , 我都要買杯 M記 朱古力醬雪糕新地 把它填滿..... 今天工作人員把雪糕弄得很美, 忘了拍照... 暖暖地的朱古力醬+加香噴噴花生............ 已經令回家的小路程變得很甜美幸福! 我其實已經食左2天, 現在想起都想再食呀!!! 真是跑1000米都唔掂!! 明天希望忘記了它吧!



送上"我全世界最靚仔既齊舅父"生前影既相. 佢既一生都真係幾充實, 我唔知點解都覺得你仲係我地身邊, 仍然覺得同你好近, 唔知你現在在天家裡又迷上什麼新興趣呢 !? 好想打電話比你吹水呀, 睇番你影既相, 好掛住你非常搞笑既性格 !!
樹葉出世 既生命力 Good Night !