August 11, 2007

八號波


對上一次八號風球, 應該是三年前
當時我還在 HXBC 澳運站 OFFICE 工作
當時同事們在收到預報通知時
我和 carol 已興奮到極
不停上網更新天文台報導

由人事部發出確認八號風球才能離開
是開心到極點的
當時由澳運站回青衣是快過食生菜
交通水洩不通的情況都是在新聞見到
今日終於目睹了

首先,今天完全不想打成八號
因為成間鋪百幾人,又要疏散,又要埋數,會好煩!
點知會打得成
好彩秩序良好  2時45分掛上
鋪頭3時15分可以掛牌關門

離開時 關心問一下海港城的員工可否收工?
原他們由客戶服務至保安清洁姐姐都不能收工架
他們要留守,待晚間同事回來才能下班
如晚間同事不能回來,他們要一直留下去
唉,學 kaiye 講,真是不望打風,因為有多人真係好慘架

一想起由尖咀坐地龍一定好多多人
一心第一時間call 朋友仔約去唱k又好,打麻雀又好
好辛苦先接駁到 jojo 個手提
不過佢都不在尖咀了
唯一要回家吧
一去到地鐵。想暈,知道點水洩不通了
地鐵已經好有效差不多一分鐘一班車
但人真的多到塞住整個月台
又焗啲男人又臭汗。 好驚,好討厭呀!

等了好多班車,終於上到車
見到香港人真係幾無品(包括我在內)
門一開,啲人衝入去,無比過人落車
落車的人好慘咁扯自己出去
聽到有人尖叫架!
我都比人推左入車

大家都知,如果車門懷疑夾住都會再次開番門架嗎
當再次開門時,啲人唔理發晒顛咁再衝入黎
真系想鬧第二波啲人
就系呢個時候,我旁邊個佬猛叫"我得第一隻腳企咋!"
佢另一隻腳系咁踩我隻腳! 仲要我著拖鞋添
我都唔好老皮同個佬講"唔好再踩,好喎!"
嚇到其他男仔好驚咁,激死!

終於個半鐘先返到屋企
狂食零食又訓覺
訓完覺再繼續埋我帶回家做的工作
訓完邊想做 所以拿出那支上海風味的"加飯酒"加加油!
飲左酒,果然做得快啲

但好失望,點解今晚無"妙手人心"播呀?! 
追緊架。。

此相是我在人逼人時,按不住要拍下
其實在此時,已經好多人舉起手機拍下此情境

你地八號風球又做左啲乜呢?

8 comments:

Siu Wan Wan (Wannie) said...

估唔到交通真係會迫成o甘... 慘喇
尋日我仲點左個同事去坐地鐵返荃灣.... 希望佢完好無缺o甘返到屋企啦

本應該我都想返屋企溫書,諗諗下都係怕人多坐車,於是就搵同事一齊去飲野... yeah~~!! 原來係勁多人打風都唔會返屋企....

桑桑桑 said...

我就提前左澳門之旅既回程時間喇。

13:00返到香港,果時未掛8號,我就同朋友去左唱K。我地唱K之前買左戲飛,於是唱完歌仔就去左睇 "導火線"。

晚上又同左另一個朋友仔去食飯、睇碟~~~呵呵, 似乎8號風球無損我既雅慶,嘻嘻。

樂透翠斯 said...

多謝你們的分享.

因為八號波悶到死.

所以今晚去了LILY 的生日會

好耐未試過咁醉!!!

個風返唔返轉頭呢?

月門 said...

我用咗3個幾鐘先番到屋企, 人都 Down 哂.........
話時話奧運站附近的車品品, 啲碗仔翅真係唔錯.

你係上環番工?

macy said...

hi! Tracy,

我真係唔鐘意打風,因為直接影響工作進度,連帶星期六及下一個星期都好煩.

我曾經歷過打風/黑雨搭MTR,KCR,巴士的慘痛經驗,所以每逢這些時候,我都不會即時走人,寧願多留一會才走. 等D人散咁D先咯,其實MTR&KCR到度的地方都無咩問題,打風都照開啦,洗咩咁急返屋企吖.

macy said...

打風唯一給我的好處是,因為都有塞車,所以我難得地享有個多鐘的睡眠(在車上). ^_^
ps呢牌好唔夠瞓.

樂透翠斯 said...

月門, 我系尖咀反工架.

MACY, 你這個可愛媽媽...! 很CUTE.. 是湊BB 太累嗎? 辛苦晒! 世上只有媽媽好.

月門 said...

噢, 我有聽書架, 不過見到張相寫住上環... ha