時間過得很快, 不經不覺我的肚子已隆隆一天比一天長大.. 大到別人還猜我是孖胎b添 ! 好在, 在 details ultrasound checking 中見到囡囡健康成長, 當我從營光幕中看到囡囡在我肚中的活動… 真是奇妙, 看她慢慢把手指放進口中, 又拍到她伸手伸腳那時, 感到肚皮的跳動, 真是幾辛苦都好滿足 !
雖然開始的三個月又嘔又暈的辛苦都隨著四個月後漸漸減退, 而現在6個月的感覺是會比較容易累, 尤其雙腳… 好似血不運行般. 可能我要返工, 所以我都是加重了15 lb 左右, 算不俗啊! 亦都因為有工作, 都可以分散了懷胎的辛苦, 一回到公司, 一向工作要快的我, 都沒有因此減慢腳步, 常常都給化粧小姐們嚷著 “不要走得咁快啦! 你停未呀, 快d去坐下啦 !” 有時我不是不想休息坐坐, 可以坐在office裡又感到發悶…….. 好多時寧願累點都要出貨場走走…..
今天終於拎起心肝寫下懷孕週記, 因為真的不想錯過每一個新的感覺. 好像人家常常問我feel到bb踢你未時? 我很擔心地說 “還未有!” 到我第5個月的其中一個早上, 第一次感受到bb 踢我時……… 真的開心極了, 真的感受到有個生命在我肚內成長, 就算爸爸到前天才第一天摸到bb 踢我時, 他都開心不已…. 這就是生命咯!
男人真的比較慢熱, 通常都在我們5,6個月後才真的懂得去關心大肚婆們, 現在是他提我比歌bb聽, 幾時去買奶樽, 買床.. 等.. 現在地上有少少水都把我拖緊一起走過.. 比著懷孕初兩三個月, 差好遠…….呢.. 還有… 他會想像女兒會怎麼樣, 起碼, 他說不要女兒有紋身… 哈哈..
而我疼鍚的Gordon 又很可愛地常常抱著我的肚去聽bb的心跳, 看著他.. 又是另一種 的 “lum”.
還有, 我到現在都沒有買過一件孕婦裝, 全部都是在boutique 買些較鬆身的袗.. 這讓我在懷孕中都能扮靚靚 ! 買買下…….都買了不了呢…..這都是懷孕中的樂趣呢!
我對懷孕過程充滿著挑戰…..例如: 1) 要每天塗肚紋油/膏 去prevent all line ! (無論沖完涼幾累都要塗!!) 2) 要順產, 必要感受上天只給女人的痛 ! 3) 學呼吸, 要bb 好快咁出世 4) 學煮飯. 已經開左半年, 成績ok, 因為要做個好媽媽 & 好老婆 ! 5) 因媽媽不能伴坐月, 都要學埋坐月要食乜, 要做乜 !
聽唔知點解, 我覺得我可以喎 ! 呢個挑戰好好玩, 好玩過追target, 因為呢個系無滿分.. 無限追, arm 晒我既性格, 好刺激啊!!!!!!!!!!!!!!!!!!!!!
你看, 多懶洋洋..................... ~~
30 comments:
Sounds like you are all ready for it. Go Go Go! Have a healthy and big kid!
haha, really ga la!
hey, sorry that haven't seen u in hk! are u still in hk now ?
推薦你聽呢隻 CD
Bach For Babies - Fun And Games For Budding Brains
http://www.amazon.com/Bach-Babies-Games-Budding-Brains/dp/B00000IQPZ
我諗 HMV 仲有得買
it's great to see you with a big beauty belly. still look old so good!! :p
男人梗係啦，唔見肚都唔知你真係有咗。
你都得架啦.........真係好好好欣賞你，生仔都當挑戰，到我真的要充心讚吓你，點解你咁好?對所有嘢你好少有怨言，不計較付出不問收穫，亦唔聽你要你老公要對你點點點，又學煮飯，有智慧有樣貌有身材，你知我要求苛刻又厭世架啦，但你絕對係我心目中嘅"可愛女人"!!
我知點樣係可愛，人人都知，但唔係人人都做得到。
有咗都咁索?!????!??!!!!?
^~
整個月沒有見您了............靚媽咪您好嗎............
哈哈!我見你個樣似bb多啲喎...
另外我好同意你呢個point→2)要順產, 必要感受上天只給女人的痛 !
到時你一定要話過我知究竟有幾痛>.<
細路仔.
睇個名知你系邊個, 但睇你d文字, 唔似出之你口.
我都最後都唔系好確定你既身份.
梁巔巔,
sure ~~~
Mona,
唔.....我唔系無要求既人, 系我知道所有事情都可以選擇. 我選擇好後, 無乜好怨.. 幾差都可以有轉機... 我無惊過喎...
做任何事都enjoy咁面對. 我又咁鐘意挑戰.. 呢個bb project 我現在都開始有壓力.. 好似我個project 完成左一大半, 另一個大project 又要由零開始........ 呢個真系壓力.
但無後悔過組織家庭, 否則一生人為自己而活又太自私無味了!
JsN,
嘿.. 到時一定話比你聽!
如果真系九秒生到b, 即刻開心到send sms 比你地聽!
表達有多種方法.........愛您可有多種表達.......
3歲,
你無理唔見我個幾月甘少,, 應該無見四個月至真... 吾通我見吾到你,你見到我?
7月1日生日快樂.....肚bom bom.
Congratulation!
咁我係度預祝你'九秒'成功..kekeke
Tracy,我見到你呢張幸福大肚婆相加埋你呢段懷孕周記,真係好感動,我從未感受你從心發出的幸福,我好開心呀!!!
tracy,終於等到你寫懷孕周記同感想喇,聽落好似好辛苦,但係又好幸福,就算辛苦都抵呀,加油呀!好快到預產期喇,祝翠斯媽媽:似靚媽媽咁靚,健健康康,肥肥白白!!!
見到你呢個大肚媽咪, 同mona一樣, 很佩服你.....
係呀, 我成日都諗我大肚既時候唔要著大肚婆衫, 唔要似大肚婆, 要型要靚....
第時都要向你取經....
嘩，好嘆喎，靚媽咪！
ruth, jsn.. thx ar !
Winnie....
都幾幸福既, 但亦開始有另一種壓力出現啦,自己叫就快三十歲人,工作ok,結婚大肚都試左,,對於自己條命來說都負晒任, 而家就快好似又要由頭開始行過咁............ 我真系有呢種無型既壓力架. 唔系生bb咁簡單.
aki....
多謝你來到呀! 同時多謝你專種由日本帶來的手信.可愛學行sock仔.好似你咁cute呀.
祝你搵好工成功! 搵工通知聲呀! 傻妹!
小豬....
好耐無見喎.
你點呀, 你知啦, 我成日睇唔明你個blog寫乜... 你好似寫比某人似的.
哈，唔緊要喇，好多人都睇唔明架，唔係你嘅問題。=P
作動前記住要食飽呀，唔係無力呀，記住帶鑽介呀，記唔記得以前個廣告呀，"一定要靚，最緊要靚"..........
Mona,
食飽d, 無問題!
哎吔, 入產房唔可以戴任何野呀, 所以d結婚介指全部都會除晒, 因為萬一入產房時都除唔到, 要剪斷晒佢架. 仲話鑽介.....到時肉赤死呀.
見到你BB 就快出世就很開心了... 不要給自己咁多壓力呢.. BB 出世是一件很開心的事,, 睇著佢成長亦是一件非常有趣& 開心的事.. 不是壓力!! 要這麼想呢!!
我入產房什麼也不用除,, 無人叫我除.. 都唔會阻到GEI.
痛會好快過了.. 加油!! 我同我個囡囡ELISE 會支持你!! 加油!!
supermanyee MAMA,
多謝你支持.. 多謝你既意見過,,咁我要帶多d靚accessories入產房 先,, 哈..
我會同你傾多d計啦, 你系咁多位媽媽 中最正面, 最輕鬆既一個.. 我要向你學習.
我仲未整個"米袋"比bb 添... 我有少少構思, 想整一個超靚超cute 比囡囡呀!!
hey darling,
glad to see u as a mum, yea... ur life quite different then before, i can feel it, even ur mind's changed, that's great, reached another level, u live ur life to mix, good for u, nway, best wishes to u.
amendment "u live ur life to max", sorry wrong spelling.
新生命很是奇妙,也是恩典！
Tracy 媽媽, 俾心機 =)
Mi Mi,
thx, i love ur words,"live ur life to max"....
missing u so much, we will gather soon..
Hyacinthus,
haha, it's really mircles... when i felt baby's movement in my belly... actually, i wont forget this 40 weeks in my life.
thx ur support. and hope to see u soon....
tc
你實在太偉大、好勇敢呀！
Post a Comment